पहिरोका कारण खोटाङका २ घर मा क्षति

असार २२, सोलुखुम्बु । वर्षात पछिको पहिरोका कारण पहाडी जिल्ला खोटाङमा २ घर मा क्षती पुगेको छ ।  शुक्रबार राती परेको वार्षातका कारण जिल्लाको हलेसी तुवाचुङ नगरपालिका र दिक्तेल रूपाकोट मझुवागढी नगरपालिकाका २ घरमा क्षती पुगेको हो । पहिरोको कारण जिल्लाको हलेसी तुवाचुङ नगरपालिका ३ च्यास्मीटारका अस्तजित राईको घर भत्कीएको हो ।

 निरन्तरको वर्षातले राईको घर मुनि गएको पहिरोले घर तान्दा घर पुर्ण रुपमा क्षतिग्रस्त भएको जिल्ला प्रहरी कार्यालय खोटाङले जनाएको छ । राईको फुसको छानो भएको ढुङ्गामाटोको गाह्रो भएको घर भत्किँदा करिव ४ लाख बराबरको क्षति भएको अनुमान प्रहरीको छ । यसबीच खोटाङमै पहिरोकै कारण अर्को एक घरमा क्षति भएको छ ।

जिल्लाको दिक्तेल रूपाकोट मझुवागढी नगरपालिका १ दिक्तेलका रमेश खड्काको घर पहिरोबाट क्षति भएको  हो ।जनता आवास योजना अन्तर्गतको कार्यक्रमबाट निर्माण गरेको स्थानीय खड्काको घर माथिबाट आएको पहिरोका कारण क्षतिग्रस्त भएको हो ।

उक्त घर खड्काले जनता आवास कार्यक्रमको ३ लाख ५० हजारको लागतमा निर्माण गरिएको थियो । पहिरोबाट घर भत्काएपछि विस्थापित दुबै परिवारलाई सुरक्षित स्थानमा स्थानान्तरण गरिएको प्रहरीले जनाएको छ  ।