सल्लेरी तामाखानी सडकमा पहिरो, फेरी अवरुद्ध 

असार २३, सोलुखुम्बु । २२ गते राती निरन्तर परेको पानीले सोलुखुम्बुको सदरमुकाम सल्लेरीलाई सोलुदुधकुण्ड नगरपालिका ३ तामाखानी जोड्ने सडक अवरुद्ध भएको छ  । जिल्ला प्रहरी कार्यालय सोलुखुम्बुका अनुसार वर्षात पछिको पहिरोले सल्लेरी तामाखानी सडक अवरुद्ध भएको हो । वडा नम्बर ३ कमेरे खोल्सा भीरमा रहेको सडक भन्दा माथि १ सय ५० मिटर माथिबाट झरेको पहिरोले सडक अवरुद्ध भएको हो । अवरुद्ध सडक खुलाउनका लागी प्रहरी त्यसतर्फ लागेको समेत कार्यालयले जनाएको छ ।  यस अघि २२ गते दिउँसो पनि उक्त सडक अवरुद्ध भएको थियो ।