असार २४, साेलुखुम्बु । ललितपुरको गेष्ट हाउसमा एक युवक मृत भेटिएका छन्। ललितपुर महानगरपालिका-१७ स्थित ललितपुर गेष्ट हाउसमा आइतबार बिहान ११:३० बजे सोलुखुम्बुका २३ वर्षीय विमल निरौला मृत भेटिएको जिल्ला प्रहरी परिसर ललितपुरले जानकारी दिएको छ।
नेचासल्यान गाउँपालिका २ स्थाइ घर भइ हाल ललितपुर बस्दै अाएका निराैला ११ नम्बर कोठामा बसेका थिए ।उनी बिहान ११:३० बजेसम्म पनि ढोका नखोलेपछि गेष्ट हाउस सञ्चालक सुमन तामाङले झ्याल खोलेर हेर्दा मृत फेला परेपछि प्रहरी वृत्त सातदोबाटोलाई खबर गरेका थिए। उनी बुबा विनाेद निराैला र अामा बाल कुमारी बस्नेतका एक छाेरा हुन ।
खबरपाए लगत्तै प्रहरी वृत्त सातदोबाटोका डिएसपी चित्रबहादुर भट्टराईको कमाण्डमा टोली खटिएको थियो। प्रहरीले घटनास्थलको मुचुल्का गरी शव पोष्टमार्टमको लागि टिचिङ अस्पतालमा पठाएको छ। प्रहरीले घटनाको अनुसन्धान गरिरहेको जनाएको छ।
Discussion about this post