विद्युत प्राधिकरण दिक्तेल वितरण केन्द्रबाट १० दिन नयाँ मिटर बितरण कार्य बन्द हुने

असार २४, सोलुखुम्बु ।  नेपाल विद्युत प्राधिकरण दिक्तेल वितरण केन्द्रले १० दिन सम्म नयाँ मिटर जडान र नयाँ ग्राहक आवेदनको काम नगर्ने बताएको छ ।  चालु आर्थिक वर्ष २०८०÷८१ को अन्तिम समय नजिकिँदै छ। यसले गर्दा वितरण केन्द्रबाट हुने नयाँ सेवा प्रवाह लाई केही दिन रोक्ने जनाएको हो ।

कार्यालयमा एक आर्थिक वर्ष भरि गरिएका आर्थिक कारोबार मिलान लगायतका काम गर्नुपर्ने भएकाले १० दिन सम्म कार्यालयबाट प्रबाह हुने यस्ता सेवा बन्द हुने वितरण केन्द्र प्रमुख शोभित बहादुर क्षेत्रीले बताउनुभयो । वर्षातका कारण विभिन्न स्थानमा गएको बाढी र पहिरोका कारण विद्युत अवरुद्ध हुने लगायतका समस्याका कारण पनि केही समय सेवा प्रवाहलाई बन्द गराउनुपर्ने अवस्था श्रीजना भएको उहाँको भनाई छ ।  

कार्यालयमा यस १० दिनको अवधीमा अवरुद्ध भएको ठाउँमा गएर विद्युत मर्मत र सुचारू गराउने काम, स्टोर भेरिफिकेसनको काम, कार्यलयबाट सम्पदन भएका सम्पूर्ण वार्षिक हिसाब मिलानको काम गरिने प्रमुख क्षेत्रीको भनाई छ ।