काेलेनीका सोलुखुम्बुले सक्याे जिल्लाभर  बजेट भुक्तानी, सम्भावित विनियाेजन अाज ती १२ बजे सम्म हुने 

असार २४, सोलुखुम्बु  । आज साउन २४ गते, नेपाली आर्थिक वर्षको वित्तिय कारोबार हुने अन्तीम दिन । आज सरकारले एक वर्षभरि कार्यान्वयन गर्ने भने ल्याएका सबै योजनाहरूको भुक्तानी र पालिकाहरूका लागी आएको बजेट राती १२ बजेबाट बन्द हुन्छ ।

हिमाली जिल्ला सोलुखुम्बु सहित देशभर आज राती १२ बजेबाट विनियोजन बन्द हुन्छ । यसकै लागी हिमाली जिल्ला सोलुखुम्बुको कोष तथा लेखा नियन्त्रण कार्यालय (कोलेनिका) व्यस्त छ । यस वर्ष जिल्लाका आठ ओटै पालिकामा सङ्घीय सरकार र प्रदेश सरकारबाट आएको बजेट मध्ये ९४ प्रतिशत भुक्तानी भएको छ भने बाकी ७ प्रतिशत सङ्घबाट रोक्का भएको थियो ।

जिल्लामा भुक्तानी लिनुपर्ने सरकारी कार्यालय सहित जिल्लाभरका आठ ओटै पालिकाहरूको सबै बजेट पालिकाको सम्बनीत खातामा लगाइसकिएको कार्यालयका सूचना अधिकारी नवीन राईले बताउनुभयो । उहाँले आज आर्थिक वर्षको वित्तिय कारोबार हुने अन्तीम दिन भएकाले भुक्तानी दिनु भनी आउन सक्ने सम्भावित बजेट सम्बन्धित पालिकामा पठाउनकै लागी भएपनि राती  १२ बजे सम्म कार्यालयमै रहने बताउनु भएको छ ।

 जिल्लाका ३ पालिकामा सामाजिक सुरक्षाको बजेट आज आउन सक्ने सम्भावना रहेको पनि उहाँको भनाई छ ।  यस अघि अन्य ५ पालिकामा सामाजिक सुरक्षाको पैसा आएको भएपनि जिल्लाको एक मात्र नगरपालिका सालुदुधकुण्ड नगरपालिका,थुलुङ दधकोशी र महाकुलुङ गाउँपालिकाको सामाजिक सुरक्षा भत्ता आज आउन सक्ने बताइएको छ । भोलिबाट देशभरका सरकारी खाता एक हप्ताका लागी बन्द हुने छन् ।