असार २५, सोलुखुम्बु । सोलुदुधकुण्ड नगरपालिका वडा नं.१० दिमिलमा ओर्गेन छोलिङ गुम्बा तथा सेवा केन्द्र निर्माण हुने भएको छ । प्रमुख लामा ओर्गेन टाशीको अगुवाइमा सेवा केन्द्र निर्माण हुन लागेको हो । व्यक्ति तथा सङ्घसंस्थाहरूसँगको सहयोगमा निर्माण हुने सेवा केन्द्र आर्थिक सहयोग जुटिरहेकाले निर्माण कार्य चाँडै थालिने उहाँले बताउनु भयाे ।
गुम्बा निर्माण कार्यका लागि हाल सम्म ४० लाख रुपैयाँ बढी सहयोग सङ्कलन भएको छ र यो क्रम निरन्तर चलिरहेको बताइएको छ । गुम्बा निर्माण गर्नका लागि डेढ करोड भन्दा बढी खर्च हुन सक्ने अनुमान गरिएको छ ।
गुम्बा तथा सेवा केन्द्र निर्माण कार्य एक वर्ष भित्र सक्ने लक्ष्य रहेको गुम्बा सेवा केन्द्र निर्माण समितिले बताएको छ । गुम्बा निर्माण कार्यका लागि आर्थिक अभाव भएकाले इच्छुक सहयोगहीरुलाई सहयोग गर्न समेत गुम्बा कार्यसमितिले अपिल गरेका छन् ।
Discussion about this post