सवारी कारवाहीबाटै ३१ लाख बढी राजस्व संकलन

साेलुखुम्बु – सोलुखुम्बुमा सवारी कारवाहीबाट करिव ३२ लाख राजस्व संकलन भएको छ । जिल्ला ट्राफिक प्रहरी कार्यालय सोलुखुम्बुका अनुसार चालु आर्थिक वर्ष २०८०/८१ को ९ महिनामा सवारी कारवाहीबाट ३१ लाख ७० हजार रुपैयाँ राजस्व संकलन भएको हो ।

कार्यालयले साउनमा ३ सय ३८ सवारी कारवाहीबाट २ लाख ६७ हजार ५ सय रुपैयाँ, भदौमा ३ सय ६२ सवारी कारवाहीबाट २ लाख ९० हजार ५ सय, असोजमा ४ सय ३१ सवारी कारवाहीबाट ३ लाख ५९ हजार ५ सय, कार्तिकमा ४ सय ६९ सवारी कारवाहीबाट ४ लाख २० हजार, मङ्सिरमा ४ सय ८१ सवारी कारवाहीबाट ४ लाख ३१ हजार रुपैयाँ राजस्व संकलन भएको छ ।

यस्तै पौष महिनामा ४ सय १९ सवारी कारवाहीबाट ३ लाख ५५ हजार ५ सय, माघमा ४ सय ५० सवारी कारवाहीबाट ३ लाख ३ लाख ६८ हजार, फाल्गुनमा ४ सय ५० सवारी कारवाहीबाट ३ लाख ८४ हजार ५ सय र चैत्रमा ३ सय ५१ सवारी कारवाहीबाट २ लाख ९३ हजार ५ सय रुपैयाँ राजस्व संकलन भएको जिल्ला ट्राफिक प्रहरी कार्यालय सोलुखुम्बुले जनाएको छ ।

कार्यालयले जिल्लामा चालक अनुमति पत्र विना चलाइएका, सडक अनुशासन मिचेर चलाइएका तथा अन्य विभिन्न नियम विपरित चलाइएको सवारीहरूलाई कारवाही गरेको छ । यस्तै ट्राफिक प्रहरी सोलुखुम्बुले बजार क्षेत्र भित्रको अव्यवस्थित पार्किङलाई पनि व्यवस्थित गर्न नियमित अनुगमन र कडाइ गरिरहेको कार्यालयका प्रमुख कृष्ण बहादुर कटवालले बताउनुभयो ।