सोलुखुम्बुमा बर्षायाममा समेत विद्युत निरन्तर सुचारु भइरहेको वितरण केन्द्रको दाबी

असार २७, सोलुखुम्बु । नेपाल विद्युत प्राधिकरण वितरण केन्द्र सोलुखुम्बुले जिल्लामा बर्षातको समयमा विद्युत निरन्तर सुचारु भइरहेको दाबी गरेको छ । हाइटेन्सन लाइनको पोलमा क्षति नहुदाँ बर्षातको समयमा समेत विद्युत निरन्तर सुचारु हुने वितरण केन्द्रले दाबी गरेको हो ।

जिल्लामा हाल सम्म ७ हजार बढी घरधुरीले राष्ट्र«य प्रसारण लाईन जडान गरेका छन् । जस्मध्ये जिल्लाको सोलुदुधकुण्ड नगरपालिका भित्रका नागरिकहरुले सेवा लिइरहेको नेपाल विद्युत प्राधिकरण वितरण केन्द्रका पर्यवेक्षक जिवन्त शर्माले जानकारी दिनुभयो ।

उहाँका अनुसार विद्युत लाईनको पोलमा क्षति पुगेको अवस्थामा तत्काल मर्मत सम्हार गर्दै आएको छ । बर्षातको समयमा कतिपय जिल्लामा अध्याँरोमा बस्नुपर्ने बाध्यता रहेको भन्दै जिल्लामा यस्तो समस्या नभएको पर्यवेक्षक शर्माको भनाई छ ।