दिक्तेल रुपाकोट मझुवागढी नगरपालिकाले गर्याे, ९० प्रतिशत बजेट खर्च

असार २९, सोलुखुम्बु । खोटाङको दिक्तेल रुपाकोट मझुवागढी नगरपालिकाले आर्थिक वर्ष २०८०/०८१ मा ९० प्रतिशत खर्च गरेको छ । नगरपालिकाले चालूतर्फ ६० करोड ९ लाख ५९ हजार र पूजिगतर्फ २४ करोड १९ लाख ८० हजार बजेट खर्च गरेको हो ।

आर्थिक वर्ष २०८०/०८१ का लागि नगरपालिकाले चालूतर्फ ६९ करोड ९३ लाख ३४ हजार र पूजिगततर्फ २९ करोड २७ लाख ९४ हजारसहित ९९ करोड २१ लाख २८ हजार बजेट बिनियोजन गरेको थियो ।

वास्तविक आम्दानी भने ६ करोड घटेर ९३ करोड ९ लाख ७९ हजार मात्रै आम्दानी भएको दिक्तेल रुपाकोट मझुवागढी नगरपालिकाका मेयर तीर्थराज भट्टराईले बताउनुभयो । आम्दानी भएको मध्ये शसर्त तर्फ शिक्षा, स्वास्थ्य लगायतमा आएको ८ करोड ८ लाख ४० हजार बजेट खर्च हुन नसकेको नगरपालिकाका प्रमुख प्रशासकीय अधिकृत दिनेश कुमार राइले जानकारी दिनुभयो ।