प्रजिअ पाण्डे द्वारा सल्लेरी – पत्ताले सडक अनुगमन

असार २९ सोलुखुम्बु । प्रमुख जिल्ला अधिकारी देवी खत्री पाण्डेले सोलुखुम्बुको सदरमुकाम सल्लेरी देखि पत्ताले सम्मको सडक अनुगमन गर्नुभएको छ । शनिबार निरन्तर बर्षात कारण पहिरो गइरहेको नागरिकहरुको गुनासो आएसँगै प्रजिअ पाण्डेले सडक अनुगमन गर्नुभएको हो ।

अनुगमनका क्रममा साल्मे नजिकै सडकमा ठुलो ढुगां खसेको र सोलुदुधकुण्ड नगरपालिका वडा नम्बर ८ मा सडकको तल्लो भागमा पहिरो गएकाले २ घर जोखिममा परेको प्रजिअ पाण्डेले बताउनुभयो । सल्लेरी देखि पत्ताले सम्म अनुगमन गर्दा ३/४ ठाउँमा सडक बिग्रिएकाले सडक डिभिजन हर्कपुरलाई तत्काल सडक मर्मत गर्नु पर्ने निर्देशन दिनुभएको छ ।

यस्तै जिल्ला प्रहरी कार्यालय सोलुखुम्बुका प्रहरी प्रमुख एवंम प्रहरी नायव उपरीक्षक द्वारीका प्रसाद घिमिरले निरन्तर बर्षातका कारण जिल्लामा बाढी पहिरोको जोखिम भएकाले सतर्कता अपनाउन आग्रह गर्नुभएको छ । उक्त सडक अनुगमनमा दुर्गा बक्स गण गुल्मका प्रमुख नबराज बस्नेत लगायत जिल्ला ट्राफिक प्रहरीहरुको समेत उपस्थिति रहेको थियो ।