लिखुपिके गाउँपालिकाको सार्वजनिक सुनुवाई : शिक्षालाई पहिलो प्राथमिता दिइएको अध्यक्ष कार्कीको भनाई

असार ३०, सोलुखुम्बु । सोलुखुम्बुको लिखु पिके गाउँपालिकाको सार्वजनिक सुनुवाई सम्पन्न गरेको छ । आज गाउँपालिकाको सभाहलमा दोश्रो सार्वजसनक सुनुवाई सम्पन्न गरेको हो । चालु आर्थिक वर्ष २०८०/८१ मा गाउँपालिकामा सञ्चालित योजना तथा कार्यक्रमहरुको सार्वजनिक सुनुवाई कार्यक्रम गाउँपालिका अध्यक्ष मिना कार्की बस्नेतको अध्यक्षतामा सम्पन्न भएको हो ।

सार्वजनिक सुनुवाईका क्रममा उठेका प्रश्नको जवाफ गाउँपालिका अध्यक्ष बस्नेत, प्रमुख प्रशासकीय अधिकृत काजिमान राई तथा विषयगत शाखाका कर्मचारीहरुले दिएका थिए । सम्पन्न सार्वजनिक सुनुवाईमा सहभागिहरुले सडक पुर्वाधानिर्माण, कर्मचारी कटौटी लगायत जनप्रतिनिधी पोशाकमा उठेका प्रश्नको जवाफ पालिका अध्यक्ष बस्नेतले दिनुभएको थियो । उहाँले सडक पुर्वाधारलाई प्राथमिकता दिएर गाउँपालिकाले काम गरेको भन्दै शिक्षा र स्वास्थ्यलाई प्राथमिकतामा राखेर काम गरिरहेको उल्लेख गर्नुभयो ।

उहाँले जनप्रतिनिधीले किन ड्रृस नलगाएको भन्ने प्रस्नमा जनप्रतिनिधीले विकासमा ध्यान दिनु महत्वपुणर् भन्दै त्यो पैशा विकासमा खर्च गरेको उल्लेख गर्नुभयो । यस्तै सहभागिहरुले प्रमुख ्शासकीय अधिकृत राईसँग पनि जिज्ञासा राखेका थिए ।

सहभागिहरु मध्येले राखेका जिज्ञासामा विशेष गरि गाउँपालिकाको शुसासन, काम कारवाहीका विषयमा अडान थियो । उनिहरु मध्ये एक चन्द्रज्योति माविका प्र अ ल्हाक्पा शेर्पाले स्थानीय पाठ्यक्रम किन लागु नगरेको भन्ने प्रश्न गर्र्नुभएको थियो । उहाँले गरेको प्रश्नमा प्रमुख प्रशासकीय अधिकृत काजिमान राईले गाउँपालिकाले स्थानीय पाठ्यक्रम निर्माणमा बजेट विनियोजन नगरेकाले सम्भवन नभएको बताउनुभयो ।

यस्तै,स्वास्थ्य क्षेत्रमा भएका काम कारवाही लगायतका विषमा उठेका प्रश्नको जवाफ स्वास्थ्य शाखा संयोजक ज्ञानु कार्कीले जवाफ दिनुभएको थियो भने कृषि शाखामा उठेका प्रश्नको जवाफ कृषि शाखा प्रमुख बन्दना भट्टराईले दिनुभएको छ ।

सार्वजनिक सुनुवाइ कार्यक्रममा उपाध्यक्ष ङवाङ् ल्हाक्पा शेर्पा, वडा नम्बर १, २, ४, ५का अध्यक्षहरु, विषयगत शाखाका कर्मचारीहरु, राजनैतिक दलका प्रतिनिधी लगायत १ सय बढी सरोकारवालाको सहभागिता थियो । गाउँपालिकाले यस वर्ष ८२ दशमलव ३९ प्रतिशत बजेट खर्च गरेको छ ।