साउन २, सोलुखुम्बु । माध्यमिक शिक्षा परीक्षा एसईइको ग्रेडबृद्धी परिक्षा संचालनका लागि सोलुखुम्बुमा एक वटा परीक्षा केन्द्र तोकिएको छ । साउन २३ गतेबाट सुरु हुने ग्रेडबृद्धी परिक्षाका लागि सोलुदुधकुण्ड नगरपालिका वडा नम्बर ५ स्थित जनजागृति माध्यमिक विद्यालयलाई परीक्षा केन्द्र तोकिएको हो ।
शिक्षा विकास तथा समन्वय इकाइ कार्यालय सोलुखुम्बुका प्राविधिक सहायक एवंम सूचना अधिकारी प्रकाण्ड न्यौपानेलेका अनुसार जिल्लाका ३७ वटा विद्यालयका ९४ जना छात्रा र १ सय २३ जना छात्र गरी कुल २ सय १७ जना विद्यार्थीले गे्रडबृद्धी परीक्षाको लागि फारम भरेका छन् ।
परिक्षा नियन्त्रण कार्यलयका अनुसार साउन २३ गते अङ्ग्रेजी, २४ गते नेपाली, २५ गते गणीत, २६ गते विज्ञान तथा प्रविधि, २७ गते सामाजिक, २८ गते ऐच्छिक प्रथम पत्रका सबै विषय र २९ गते ऐच्छिक द्धितीयपत्रका सबै बिषयको परिक्षा संचालन हुने शिक्षा विकास तथा समन्वय इकाइ कार्यालय सोलुखुम्बुले जनाएको छ ।
जिल्लाबाट यस वर्ष १६ सय ६५ जना विद्यार्थीले परीक्षामा सहभागी जनाएकोमा १४ सय ४८ जना उत्तिर्ण र २ सय १७ जना विद्यार्थी अनुतिर्ण भएका थिए । राष्ट्रिय परीक्षा बोर्डले २०८० सालको माध्यमिक शिक्षा परीक्षा (एसईई) को नतिजा असार १३ गते सार्वजनिक गरेको थियो ।
Discussion about this post