जिप्रका ओखलढुंगाले गर्याे, एक आर्थिक वर्षमा १ करोड बढी राजश्व संकलन

साउन ७, सोलुखुम्बु । जिल्ला प्रशासन कार्यालय ओखलढुंगाले एक आर्थिक वर्षमा एक करोड बढी राजश्व संकलन गरेको छ । कार्यालयले विभिन्न शिर्षकमा आर्थिक वर्ष २०८०/८१ मा १ करोड ७६ लाख ३६ हजार ६५ रुपैया राजश्व संकलन गरेको हो ।

जिल्ला प्रशासन कर्यालयको तथ्याङक अनुसार सबैभन्दा बढी राहदानी शुल्कबाट १ करोड ७० लाख ९३ हजार ७ सय रुपैया राजश्व संकलन गरेको जिल्ला प्रशासन कार्यालयका प्रशासकीय अधिकृत तथा सुचना अधिकारी अनुप पौडेलले जानकारी दिनुभयो  ।

त्यस्तै कम्पनी रजिष्ट्रेशन शुल्कबाट २ लाख ३० हजार ५ सय ५० , प्रशासनिक दण्ड, जरिवान र जफतबाट १ लाख ६७ हजार ९ सय २० रुपैया, सरकारी सम्पत्तिको वहालबाट १ लाख ३ हजार ६ सय ८० रुपैया, परीक्षा शुल्क ९ हजार २ सय, हातहतियार इजाजत पत्र नविकरण ७ हजार २५, र अन्य प्रशासनिक शुल्कबाट २३ हजार ९ सय ९० गरी जम्मा १ करोड ७६ लाख ३६ हजार ६५ रुपैया राजश्व संकलन भएको प्रशासकीय अधिकृत पौडेले जानकारी दिनुभयो ।