साउन ७, सोलुखुम्बु । हिमाली जिल्ला सोलुखुम्बुमा काष्ठजन्य उत्पादन १ सय २६ प्रतिशत बढेको छ । आथिृक वर्ष २०७९/८० को तुलनामा आर्थिक वर्ष २०८०/८१ मा काष्ठजन्य उत्पादन १ सय २६ प्रतिशतले बढेको हो । निजी वनबाट हुने उत्पादन १ सय २६ प्रतिशतले ह्वात्तै बढेको डिभिजन वन कार्यालय सोलुखुम्बुका प्रमुख बद्रि प्रसाद शाहले बताउनुभयो ।
कार्यालयको तथ्याङ्क अनुसार आर्थिक वर्ष २०७९/८० मा २ लाख ६ हजार शून्य ४७ दशमलव ४३ क्युफिट उत्पादन भएको काठ गत आर्थिक वर्षमा त्यसको १ सय २६ प्रतिशतले बढी अर्थात ४ लाख ६४ हजार ९ सय ५० दशमलव ४२ क्युफिट काठ उत्पादन भएको हो । जिल्लामा निजी वन तर्फको काठ उत्पादन बढ्दा यता राजस्वमा पनि उत्तिकै वृद्धि भएको छ भने रोजगरी पनि हजाराैँ दिन श्रीजना भएको देखिएको छ । उक्त काठ उत्पादनबाट कार्यालयले विभिन्न शीर्षकमा झण्डै २ करोड राजस्व सङ्कलन भएको छ ।
कार्यालयका सूचना अधिकारी मनराज राईको अनुसार काष्ठजन्य उत्पादनबाट रोयल्टी वापतको मूल्य अभिवृद्धि कर १ करोड ९९ लाख ४० हजार ५ सय ५१ रुपैयाँ राजस्व सङ्कलन भएको छ । सङ्कलित कर बापदको १ करोड ३४ लाख ८५ हजार ८ सय २४ रुपैयाँ सङ्घीय सरकारको खातामा गएको, १४ लाख ८७ हजार १५ रुपैयाँ प्रदेश सेवा शुल्क वापत प्रदेश सरकारमा गएको र स्थानीय सरकार (सोलुदुधकुण्ड नगरपालिका) लाई ४९ लाख ६७ हजार ७ सय १२ रुपैयाँ गएको सूचना अधिकारी राईले बताउनुभयो ।
जिल्लामा भएको काष्ठ जन्य उत्पादनबाट २३ हजार २ सय ९७ श्रमदिनको रोजगारी समेत श्रीजना भएको जनाइएको छ । उत्पादित काठको कटिङ, लोड, अनलोड, ढुवानी लगायतमा २३ हजार २ सय ९७ श्रमदिन रोजगारी श्रीजना भएको जनाइएको छ ।
Discussion about this post