ओखलढुंगामा १२ वर्षिय बालकको अचानक मृत्यु

साउन १०, सोलुखुम्बु । ओखलढुंगाको सिद्धिचरण १२ सितलपुरमा १२ वर्षिय बालकको अचानक मृत्यु भएको छ । जिल्लाको सिद्धिचरण नगरपालिका १२ सितलपुर बस्ने देवराज राईको १२ वर्षिय छोरा सौरव राईको मृत्यु भएको हो ।

२/३ दिन अगाडी लडेर बांया खुट्टाको घुंडामा सामान्य चोट लागि घरमै बसेका राईको आजबाट अचानक स्वास्थ्यमा समस्या देखिएपछि उपचारको लागी ओखलढुंगा सामुदायिक अस्पताल ल्याइएकोमा चेकजाँचपश्चात डाक्टरले मृत घोषणा गरेका जिल्ला प्रहरी कार्यलय ओखलढुंगाले जनाएको छ ।

बालकको के कारणले मृत्यु भएको भन्ने खुल्न नसकेको अनुसन्धान तथा कानुनी प्रक्रियामा रहेको बताइएको छ। आज विहिबार दिउँसो १३ः१५ बजेको समयमा बालकको मृत्युसम्बन्धमा जिल्ला प्रहरी कार्यालय ओखलढुंगामा खबर प्राप्त भएको जिल्ला प्रहरी कार्यालय ओखलढुगांका प्रहरी निरीक्षक एवंम सूचना अधिकारी विजय कार्कीले जानकारी दिनुभयो ।  खबरपश्चात जिल्ला प्रहरी कार्यालय ओखलढुंगाबाट आवश्यक अनुसन्धान तथा कानुनी प्रकृयाको कार्य सम्पन्न गरि मृत लासलाइ पोस्टमार्टमका लागि जिल्ला अस्पताल रुम्जाटार पठाइएको र घटना सम्बन्धमा थप अनुसन्धान भइरहेको प्रहरीले जनाएको छ ।