कोशीको यो वर्षको राेपाइँ मैझारो तर्फ, ९० प्रतिशत बढी सकियो

साउन १२, सोलुखुम्बु  ।  यस वर्षको कोशी प्रदेशको धान रोपाइँ ९० प्रतिशत बढी सकिएको छ ।  १२ वटा जिल्ला रहेको प्रदेशको धान रोपाइँ ९० दशमलव ६८ प्रतिशत सकिएको हो ।

कृषि विकास निर्देशनालय कोशी प्रदेशका अनुसार प्रदेशका ३ हिमाली जिल्लामा ८४ दशमलव ३३ प्रतिशत, मध्ये पहाडी जिल्ला हरूमा ८४ दशमलव २३ प्रतिशत र तराईका जिल्लाहरुमा ९३ दशमलव ४४ प्रतिशत रोपाइ सकिँदा समग्रमा ९० प्रतिशत बढी रोपाइँ सकिएको निर्देशनालयका कृषि विकास अधिकृत भवानी बस्नेतले बताउनुभयो । उहाँका अनुसार हिमाली जिल्ला सोलुखुम्बुमा ९२ प्रतिशत रोपाइँ सकिएको छ ।

यस्तै ताप्लेजुङमा ८९ प्रतिशत, सङ्खुवासभामा ८० प्रतिशत रोपाइ सकिएको छ । प्रदेशका उच्च पहाडी जिल्लाहरू पाँचथरमा ८० प्रतिशत, इलाममा ९३ प्रतिशत, भोजपुरमा ८५ प्रतिशत, तेह्रथुममा ७३ प्रतिशत, धनकुटामा ७० प्रतिशत, उदयपुरमा ८६ प्रतिशत, ओखलढुङ्गामा ८८ दशमलव ७८ प्रतिशत, खोटाङमा ८५ प्रतिशत रोपाइँ सकिएको हो ।

यस्तै प्रदेशका तराईको जिल्लाहरूमा झापामा ९२ प्रतिशत, मोरङ्गमा ९६ प्रतिशत र सुनसरीमा ९२ प्रतिशत धान रोपाइँ सकिएको हो । प्रदेशभरि रहेको कुल धान लगाउने क्षेत्रफल २ लाख ७६ हजार २ सय ८६ मध्ये हाल सम्म २ लाख ५० हजार ६ सय २४ दशमलव ७६ हेक्टर क्षेत्रफलमा धार रोपाइँ सम्पन्न भएको हो । यस वर्षको धान रोपाइ साउन अन्तीम सम्मन हुन सक्ने निर्देशनालयले आँकलन गरेको छ ।