सोलुखुम्बु, बैशाख १० । सलिना लामिछाने,
खोटाङको दिक्तेल रूपाकोट मझुवागढी नगरपालिकामा अपांगता पहिचान शिविर सञ्चालन हुने भएको छ । करुणा फाउण्डेसन नेपाल, कोशी प्रदेश र नगरपालिकाको त्रिपक्षिय साझेदारीमा सञ्चालन भएको अपाङ्गता रोकथाम तथा पुनस्थापना कार्यक्रम अन्तर्गत नगरपालिकाका १५ वटै वडामा बैशाख १३ गते बाट अपाङ्गता पहिचान शिविर सञ्चालन हुने भएको हो ।
नगरपालिकाले यस अघि सबै वडामा अपाङ्गता भएकाहरूको विवरण संकलन गरिसकेको छ । अपाङ्गता पहिचान शिविरमा अपाङ्गता भएनभएको यकिन गर्न प्रारम्भिक स्वास्थ्य जाँच गरि आवश्यक्ताका आधारमा अपाङ्गता परिचयपत्र वितरण गरिने नगरप्रमुख तीर्थराज भट्टराईले बताउनुभयाे । नगरपालिकाका १५ वटै वडाहरूमा सञ्चालन हुने शिविर वडा नम्बर १० पाथेकाबाट बैशाख १३ गते सुरुवात गरिने तय भएको छ ।
१४ गते ११ खार्मी, १५ गते वडा नम्बर १५ विजयखर्क, १६ गते वडा नम्बर १६ बुइपा, १७ गते वडा नम्बर १३ नुनथला, १८ गते वडा नम्बर वडा नम्बर ९ निर्मलीडाँडा, १९ गते, वडा नम्बर ८ बुवालुङ, २० गते वडा नम्बर ७ चिउरीडाँडा २१ गते वडा नम्बर वडा नम्बर ६ नेर्पामा शिविर सञ्चालन हुने छ ।
यस्तै बैशाख २२ गते वडा नम्बर ४ खाल्ले, २३ गते वडा नम्बर ३ बाम्राङ, २४ गते वडा नम्बर २ सोल्मा २५ गते वडा नम्बर ५ लफ्याङ, २६ गते वडा नम्बर १ दिक्तेल र २७ गते वडा नम्बर १२ जालपाका शिविर हुने छ । शिविरमा अपाङ्गता भएकाहरूलाई सहभागी गराई कार्यक्रमलाई सहयोग गर्न नगरप्रमुख भट्टराईले आह्वान समेत गर्नुभएकाे छ ।
Discussion about this post