आगलागिबाट घरविहीन देउपुजेका पिडितलाई काँग्रेस नेता कार्कीद्वारा नगद राहात प्रदान

जंगलबाट सल्किएको आगो गाउँमा पस्दा घरनै सखाप भएका सोलुखुम्बुको नेचासल्यान–२ का अग्निपिडित परिवारलाई काँग्रेस नेता प्रकास सिंह कार्कीले राहात प्रदान गर्नुभएको छ । मंगलबार अपरान्ह भएको आगलागिबाट जलेर घरविहीन बनेका देउपुजे गाउँका ३ परिवारलाई समाजसेवी तथा काँग्रेस नेता कार्कीले प्रति परिवार १०/१० हजारका दरले नगद राहात उपलब्ध गराउनु भएको हो । घटना लगत्तै बुधबार बिहान आफ्नो प्रतिनिधि मार्फत पिडित व् यक्तिलाईनै भेटेर नगद राहात उपलब्ध गराएको वहाँले बताउनु भयो । आगलागिका कारण घर गुमाएका शक्ति राई, मक्कर बहादुर राई र करविर राईको परिवारलाई उक्त रकम प्रदान गरिएको छ । ‘छिमेकमा परेको पिडामा मलम लगाउनका लागि सानो सहयोग गरेको हुँ’ उद्योग वणिज्य संघका केन्द्रिय सदस्य समेत रहेका कार्कीले भन्नु भयो ।

हिजो मंगलबार लागेको आगोका कारण ३ परिवारको ५ वटा घर जलेर नष्ट भएको थियो । घर भित्र रहेको सबै समानहरु जल्दा ५३ लाख बराबरको क्षति भएको जिल्ला प्रहरी कार्यालय सोलुखुम्बुका प्रमुख डिएसपि द्वारिका घिमिरेले जानकारी दिनुभयो । नेपाल प्रहरी, शसस्त्र प्रहरी, नेपाली सेना, सोलुदुधकुण्ड नगरपालिकको दमकल र स्थानीयको सक्रियतामा राति अबेर सम्ममा आगो नियन्त्रणमा आएको थियो । आगलागि पिडितलाई रेडक्रस, स्थानीय प्रशासन र स्थानीय सरकारको तर्फबाट राहात आउनेक्रम शुरु भएको छ ।