साउन २५, सोलुखुम्बु । सोलुखुम्बुको नेचासल्यान गाउँपालिका वडा नम्बर ४ की अन्जना राई मिस मंगोल नेपाल २०२४ को टप फाइनालिस्टमा सम्म स्थान बनाउन सफल हुनुभएको छ । ३० औं विश्व आदिवासी दिवसको अवसरमा नेपाल आदिवासी जनजाती महासंघको सहकार्यमा आयोजित मिस मंगोल नेपाल २०२४ मा सहभागी भई बिहिवार सम्मपन भएको प्रतियोगितामा राई टप फाइनालिस्टमा पुग्नु भएको थियो ।
व्यक्तित्व विकास र सशक्तीकरणको लागि मिस नेपालजस्ता प्लाटफर्मले भूमिका खेल्ने उदेश्यले काठमाडौं जमल, स्थित नाचघरमा कार्यक्रमको आयोजना गरिएको थियोे । उहाँले भन्नुभयो “करिब १ महिनाको प्रशिक्षण गर्न सकिएको भए राम्रो प्रस्तुती दिन सकिन्थ्यो, तर पनि अनुभवी र उत्कृष्ट प्रतिभा प्रस्तुत गर्ने व्यक्ति वियज हुनु भएको छ, हामी निक्कै खुसी छौ । मेरो मिस मंगोल नेपाल २०२४ को अनुभव पहिलो भएकाले यहाँबाट पनि धेरै अनुभव बटुल्न सकियो ।
आगामी दिनहरुमा यस्तै प्रतियोगिता आयोजना गरिएको खण्डमा यी अनुवभहरुले धेरै सहयोग गर्ने छ ।” आगामी दिनहरुमा सुम्निमा– पारुहाङलाई शीरमा राखेर पुर्खाहरुको इतिहासको अध्ययन गर्दै आफ्नो समुदाय, भाषा, संस्कार, संस्कृतिको संमरक्षण र प्रवर्धनको निम्ति आफु प्रतिबद्ध रहने प्रण समेत गर्नुभएको छ ।
१७ देखि २६ वर्ष उमेरसमूहका अविवाहित मंगोल (आदिवासी जनजाति) युवतीले प्रतियोगितामा भाग लिन पाउने व्यवस्था रहेको छ । त्यसैगरी मिस तामाङ, मिस राई, मिस लिम्बू, मिस नेवालगायत आदिवासी जनजातिसँग सम्बन्धित जातीय सौन्दर्य प्रतियोगिताका विजेताले भाग लिन चाहेमा बिना अडिसन सीधै प्रवेश पाउने व्यवस्था रहेको छ ।
अन्तिम प्रतिस्पर्धाका लागि छनोट भएका प्रतियोगीले कोरियोग्राफर रोजिन शाक्यबाट प्रतियोगिताका बारेमा एकमहिने प्रशिक्षण प्राप्त गर्दै अएका छन् । त्यसैगरी व्यक्तित्व विकास एवं करियरसँग सम्बन्धित विभिन्न विषयमा मिस मंगोल नेपालकी सीइओ पूर्वमिस मंगोल सुम्निमा देवानको नेतृत्वमा एक दर्जनभन्दा बढी कक्षाहरू दिने गरिएको छ ।
प्रतियोगितामा शीर्ष उपाधिका साथै फस्ट रनरअप, सेकेन्ड रनरअप, मिस ट्यालेन्ट, मिस पब्लिक च्वाइस, मिस पर्सनालिटी, मिस डिस्सिप्लिन, मिस फ्रेन्ड्सिप, मिस लिडरसिप, मिस बेस्ट स्किन, मिस बेस्ट हेयर, मिस फोटोजेनिक, मिस पन्चुअल र प्रिभियस एक्सेलेन्स अवार्ड समावेश गरिदै आइएको छ । मिस मंगोल नेपालका विजेतालाई एक लाख रुपैयाँ पुरस्कार प्रदान गरिँदै आएको छ ।
Discussion about this post