पटक पटक अवरुद्ध हुन्छ साल्मे, दिनमा ३ पटक पुग्छ प्रहरी पहिरो पन्छाउन

साउन २८, सोलुखुम्बु । साल्मे सडक खण्डमा फेरी पहिरो झरेर सडक अवरुद्ध बनेको छ । आइतबार झरेको पहिरो पन्छाएर सूचारु गरिएको सडक सोमबार फेरी पहिरोको कारण अवरुद्ध बनेको हो । सोलुखुम्बुको सदरमुकाम सल्लेरी हुँदै साल्मे, रमिते, पत्तालेबाट ओखलढुंगा सहित देशका अन्य ठाउँ, सहर जाने एकामात्र सडक खण्ड सिद्धिचरण लोकमार्ग अन्तर्गत रहेको साल्मे सिस्नेरी पहिरोले यतिखेर यात्रु, सवारी, चालकलाई त सास्ती दिएको छ नै प्रहरीलाई पनि हैरानी बनाएको छ ।

गत वर्ष साम्मे भएको पहिरो यसपालीको मनसुन सुरु भएयता करिव १० पटक बढी झरेर सडक अवरुद्ध गरिसकेको छ । जतिपटक पहिरो झर्छ त्यतीपटक सोलुखुम्बु प्रहरी पुगेर सडक खुलाउन लागीरहेको छ । तर साल्मे रोकीएको छैन । सोमबार फेरी पहिरो झरेर सडक अवरुद्ध बनेपछि जिल्ला प्रहरी कार्यालय सोलुखुम्बुको निर्देशनमा प्रहरी चौकी रमितेबाट प्रहरी टोली गएर सडक खुलाउने प्रयास गरिरहेको छ ।

सडक विभिगसँगको समन्वयमा जेसीवि सहित प्रहरी टोली त्यहाँ पुगेको जिल्ला प्रहरी कार्यालय सोलुखम्बुका

प्रमुख एवं प्रहरी नायब उपरीक्षक द्वारीका प्रसाद घिमिरेले बताउनुभयो । सोमबार साँडे २ बजे पहिरो खेपछि सवारी साधन फेरी अलपत्र परेका छन् । छिनछिनमै पर्ने झरिले साल्मे पहिरोको उदण्डता झने बढ्दै जाँदा दिनमै ३ पटक सम्म प्रहरी टोली पुगेर पहिरो पन्छाउने काम गरिरहेको प्रनाउ घिमिरेको भनाई छ । ठाउाठाउँमा पहिरो गएर अवरुद्ध बनेको सडक खुलाउन सोलुखुम्बु प्रहरी लगातार खटिरहेको उहाँको भनाई छ ।