ओखलढुंगाको ठुलाछापमा बाघले बाख्रा खायो

साउन २९, सोलुखुम्बु । ओखलढुंगाको सिद्धिचरणमा बाघले स्थानीयका माउ बाख्रो मारेको छ । बाघले सिद्धिचरण नगरपालिका–२ ठुलाछाप निसंखेका स्थानीयका बाख्रा मारेको हो । गएराती स्थानीय रुद्रबहादुर कटवालको खोरमा रहेको माउ बाख्रो बाघले आक्रमण गरि मारेको वडा अध्यक्ष बसन्त कट्वालले जानकारी दिनुभयो ।

उहाँका अनुसार अनुमानित ३० हजार मुल्य बराबरको क्षती भएको हो । यस्तै वडाअध्यक्ष कट्वालका अनुसार केही दिन अघि मात्रे स्थानीय ज्ञान बहादुर चर्मकारले पालेको बंगुर खोरबाटै हराएको थियो भने निशंखेका श्रेतेष श्रेष्ठको खसी नागीडाँडा सामुदायिक बन नजिकै चराउन लाँदा साँझमा बाघले मारेको अवस्थामा स्थानीयले फेला पारेका थिए ।

यस्तै हिमालय माध्यमिक विद्यालय निशंखेको विद्यालय परिसर र अन्य विभिन्न समयमा वडाका विभिन्न स्थानमा जोडी बाघ देखेको र बाइकमा यात्रा गरेको बेला पनि बाघले आक्रमण गर्न खोजेको समेत स्थानीयले बताएका छन् ।