साउन ३०, सोलुखुम्बु । सोलुदुधकुण्ड नगरपालिकामा कुकुर बन्ध्याकरण तथा रेबिज खोप शिविर सुरु गरिएको छ । सोलुदुधकुण्ड नगरपालिका पशु सेवा शाखाको आयोजनामा बुधबारबाट शिविर सुरु गरिएको हो ।
पशु सेवा शाखाका नायव पशु स्वास्थ्य प्राविधिक गणेश थापाका अनुसार आज शिविरको पहिलो दिन टाक्सिन्दुमा यो समाचार तयार गर्दा सम्म २२ वटा सामुदायिक तथा घरपालुवा कुकुरको निः शुल्क बन्ध्याकरण तथा रेबिज रोग विरुद्धको खोप दिईएको छ ।
यस्तै ३१ गते वडा नम्बर २ मा अभियान सञ्चालन गरिने छ, भने ३२ गते वडा नम्बर ८ मा र भदौ १ गते वडा नम्बर ३, ४, ५, ६ र ७ का लागि खोप सञ्चालन हुने नगरपालिकाले जनाएको छ । उक्त अभियानमा सबै कुकुरलाई नगरले निशुल्क रुपमा रेबिज रोगको लागि खोपको व्यवस्था गरेको छ । नगरले आगामी भदौ १ गतेसम्म अभियान सञ्चालन गर्ने भएको जनाइएको छ ।
Discussion about this post