छाडा कुकुर बन्ध्याकरण गर्न चुनौतिपूर्ण छ : नायव पशु प्राविधिक थापा

भदौ, २, सोलुखुम्बु । सोलुखुम्बुको सोलुदुधकुण्ड नगरपालिका पशु शाखाका नायव पशु प्राविधिक गणेश थापाले छाडा कुकुर नियन्त्रणका लागि बन्ध्याकरण गर्न चुनौतिपूर्ण रहको बताउनुभएको छ ।

रेडियो एभरेष्टसँग कुराकानी गर्दै घर पालुवा कुकुरलाई शिविरमा ल्याउन सहज भए पनि सामुदायीक कुकरहरुलाई नियन्त्रणमा लिन चुनौतिपूर्ण हुने बताउनुभएको हो । नगरपालिकाले विगत केहि वर्षयता सामुदायिक कुकुरको सङ्ख्यामा नियन्त्रण गर्ने, प्राणघातक रेविज रोग नियन्त्रण गर्ने, पर्यटकको आवागमनमा सहजता पुग्ने र सामुदायिक कुकुरहरूको आक्रमण र आतंकमा कमी हुने उदेश्यले नगर क्षेत्रभित्र कुकर बन्ध्याकरण तथा रेबिज विरुद्धको शिविर सञ्चालन गर्दै आएको छ ।

यस्तै क्रममा यस वर्ष पनि गत साउन ३० बाट भाद्र १ गते सम्म शिविर सञ्चालन गरिएको छ । उक्त शिविरमा नगरपालिकाको वडा नम्बर १, २, ३, ४, ५, ६, ७ र ८ लाई विशेष प्राथमिकतामा राखेर सञ्चालन गरिएको शिविरमा १५० वटा घरपालुवा÷सामुदायिक कुकुरलाई निःशुल्क बन्ध्याकरण तथा रेविज रोग विरूद्ध खोप दिएको पशु शाखालले जनाएको छ ।