भदौ ३, सोलुखुम्बु । सोलुखुम्बुको सल्लेरी देखि साल्मे खोला सडक खण्डमा विना जानकारी सडक मर्मत गर्दा टेलिकमको फाइबर काटिएको भन्दै नेपाल टेलिकम सल्लेरीले आपत्ति जनाएको छ । सडक विभागले खोल्साको पानी खोल्ने बाहानामा फाइबरको तार क्षतबिक्षत बनाएको भन्दै नेपाल टेलिकमको अपत्ति जनाएको हो ।
काठमाडौं देखि सल्लेरी सम्म अप्टिकल फाइबर अन्डर ग्राउण्ड गरी सडकको छेउछेउमा गाडेल ल्याइएको उक्त फइबरबा सल्लेरीका नागरिकहरुले मोबिल सेवा, भ्वाइस डाटा र टिभिको सुविधा पाउदै आएको छन् ।
तर पछिल्लो समय बिना जानकारी सडक विभागले ठाउँठाउँमा सडक खन्दा १ महिनामा ११ ठाउँमा फाईबरको तार काटिदिएकाले सेवा अवरुद्ध भइरहेको नेपाल टेलिकमले जनाएको छ । यसरी बारम्बार तार काट्दा टेलिकमलाई ठुलो नोक्सानी हुने भन्दै सल्लेरीका नागरिकलाई अतिआबश्यक सेवा अबरुद्ध हुन नदिन विना जानकारी सडक खनी फाइबर काटने काम बन्द गर्न आग्रह गरिएको छ ।
Discussion about this post