सिन्धुलीमा लागुऔषध सहित दुई जना युवा पक्राउ

भदौ ४, सोलुखुम्बु । सिन्धुलीमा लागु औषध सहित दुई जना युवा पक्राउ परेका छन् । वीपि राजमार्ग अन्र्तगत सिन्धुलीको कमलामाई नगरपालिका –९ भिमान चेकपोष्टमा चेकजाँच गर्ने क्रममा लागु औषध सहित २ जना युवा पक्राउ परेका हुन् ।

पक्राउ पर्नेहरुमा कार चालक कमलामाई नगरपालिका –७ का ३३ बर्षीय अम्मर बहादुर सिजाली मगर र सोहि कारमा सवार तिनपाटन गाउँपालिकाका ३२ बर्षीय सुदिप घिमिरे पक्राउ परेको प्रहरीले जनाएको छ ।

आइतबार बर्दिबासबाट सिन्धुली तर्फ आउँदै बा ११ च ७१५७ नम्बरको कारमा लुकाएर ल्याइएको अवस्थामा ४९ बोतल एक्जीप्लोन न्यू नामक लागु औषध सहित पक्राउ परेका जिल्ला प्रहरी कार्यालय सिन्धुलीका प्रहरी प्रमुख गोबिन्दराज काफ्लेले जानकारी दिनुभयो । प्रहरीले उनीहरुलाई पक्राउ गरेर थप अनुसन्धान गरिरहेको छ ।