चार हजार छ सय उचाईमा नेपाल लाइफ इन्स्योरेन्सको स्वास्थ्य शिविर सम्पन्न

भदौ ४, सोलुखुम्बु । नेपालकै सर्बाधिक विश्वाससिलो जीवन बिमा कम्पनी नेपाल लाइफ इन्स्योरेन्स कम्पनि लिमिटेडको आर्थिक सहयोगमा ४६०० मिटर उचाइमा रहेको दुधकुण्डमा सञ्चालन गरेको शिविर सम्पन्न भएको छ ।

दुधकुण्डमा आउने तिर्थयात्रीहरुको उचाइका कारण लाग्ने स्वास्थ्य समस्यालाई मध्यनजर राखि २०८१ भाद्र १–३ मा संचालन गरेको स्वास्थ्य शिविर सम्पन्न भएको हो । उक्त स्वास्थ्य शिविर दुधकुण्ड जादाबखतको कामुडाडाँ, बाटोका विभिन्न स्थान हुदै दुधकुण्डमा समेत संचालन गरिएको थियो ।

उचाइका कारण टाउको दुख्ने, बान्ता हुने, रक्तचापमा वृद्धि, झाडापखाला, रिगटा लाग्ने, श्वासप्रश्वासमा कठिनाइ हुने लगायतका तिर्थयात्रीहरुलाई रेडक्रस स्वयंसेवक सँगै रहेका स्वास्थ्यकर्मीहरुले स्वास्थ्य जाँच तथा निशुल्क औषधि समेत वितरण गरिएको थियो । रेडक्रसले संचालन गरेका स्वास्थ्यशिविर अन्तर्गत कामुडाडा तथा बाटोमा गरि १३५ जनालाई औषधि वितरण, १४३ जनाको स्वास्थ्य परीक्षण (अक्सिजन लेभल, प्रेसर) गरिएको थियो ।

दुधकुण्डमा भने ५६७ जनालाई औषधि वितरण तथा स्वास्थ्य परीक्षण गरिएको थियो । उक्त कार्यक्रम संचालन गर्नका लागि १० जना स्वयंसेवक परिचालन गरिएको थियो । कार्यक्रम संचालनका लागि आवश्यक औषधि तथा स्वयंसेवकहरुको खाना तथा आवास व्यवस्थापन तथा सामग्रीहरु व्यवस्थापन नेपाल लाइफ इन्स्यनोरेन्स कम्पनि लि.ले आफ्नो सामाजिक उत्तरदायित्व अन्तर्गतको कोषबाट आर्थिक सहयोग उपलब्ध गराएको हो ।

यस कम्पनीले गत वर्ष पनि यसरी नै सहयोग गरेको थियो सोही क्रममा यस वर्ष पनि निरन्तरता दिएको छ । नेपालको जीवन बिमा क्षेत्रमा नेपाल लाइफ इन्स्योरेन्स निकै बिश्वासिलो कम्पनीको रूपमा परिचित रहेको छ । सोलुखुम्बुमा समेत आफ्नो शाखा बिस्तार गरि निकै राम्रो सेवा दिइरहेका छ ।