महाकुलुङ गाउँपालिका : पाँच वटै वडाले एउटै स्थान र समयमा प्रशासनिक सेवा दिदै

भदौ ४, सोलुखुम्बु । सोलुखुम्बुको महाकुलुङका ५ वटै वडाले एउटै समय र स्थानमा प्रशासनिक सेवा प्रदान गर्ने भएको छ । कुलुङ शेर्वी किदुकको समन्वय तथा महाकुलुङ गाउँपालिकाको आयोजनामा राजधानीमा एउटै समय र स्थानमा वडाको प्रशासनिक घुम्ती सेवा प्रदान गर्ने भएको हो ।

महाकुलुङ गाउँपालिकाका अध्यक्ष सूर्यबहादुर कुलुङका अनुसार प्रत्येक वडाले फरकफरक स्थानबाट सेवा प्रवाह गर्दा खर्चिलो हुनका साथै झन्झटिलो हुने भएकाले एकै स्थानबाट सेवा प्रदान गरिने भएको हो । प्रशासनिक घुम्ती सेवा यहि भदौ १० र ११ गते शेर्पा पार्टी प्यालेस, गोकर्णेश्वर काठमाडौंबाट सेवा दिइने भएको गाउँपालिकाले जनाइएको छ ।

महाकुलुङ गाउँपालिकाका विभिन्न वडामा घर भई हाल काठमाण्डौँ बसोबास गर्दै आएका वडाबासीहरुलाई लक्षित गर्दै शिविर सञ्चालन गरिने सम्बन्धित वडाका वडा अध्यक्षहरुले जानकारी दिएका छन् ।

सामान्य प्रशासनिक सेवा लिनकै लागि काठमाण्डौँदेखि हजारौँ खर्च गरेर वडा कार्यालयसम्म पुग्नुपर्ने नागरिकलाई घुम्ती सेवाले सहजता प्रदान गर्ने गाउँपालिकाले विश्वास लिइएको छ । घुम्ती सेवा अन्र्तगत सामाजिक सुरक्षा भत्ता नविकरण साथै नयाँ भत्ता, जन्म दर्ता, मृत्यु दर्ता, विवाह दर्ता, बसाई सराई लगायत पञ्जिकरण सम्बन्धि सम्पूर्ण सेवाहरु प्रदान गरिने भएको छ ।