अतिथि सत्कारका लागी सिप  सिकाउँदै माप्य (फाेटाे फिचर सहित)

साेलुखुम्बु, बैशाख १७ । खोलुखुम्बुको माप्य दूधकोशी गाउँपालिकामा ३ दिने पर्यटन उद्यमशीलता विकास, पर्यटक सत्कार, आधारभुत कुकिङ तथा सरसफाइ तालिम सम्पन्न भएको छ । गत बैशाख १३ गतेबाट सुरु भएको तालिम आइतबार सम्पन्न भएको हो । कुकिङ तालिममा गाउँपालिका भरिका २१ जनाले सहभागिता जनाएका छन ।  

माप्य दुधकोसी गाउँपालिका, नेपाल पर्यटन बोर्ड, ट्रेकिङ एजेन्सी एसोसियसन नेपाल र युएनडिपीको संयुक्त साझेदारीमा सञ्चालित तालिममा गाउँपालिका भरिका २१ जनाले बिभिन्न किसिमका परिकार बनाउने र अतिथि सत्कार सम्बन्धी आधारभुत सीप सिकेको जनाइएको छ ।  सम्पन्न तालिममा व्यवसायिक होटल सञ्चालक तथा पर्यटन क्षेत्र सँग जोडिएका व्यवसायीहरूकाे सहभागिता रहेकाले उनीहरूले पर्यटकको सत्कार सँगै सरसफाइ र हस्पिटालिटी सम्बन्धी सीप प्राप्त गरेको गाउँपालिका अध्यक्ष बुद्धिकिरण राईको भनाई छ ।

गाउँपालिकाले पर्यटन क्षेत्रको विकासका लागी लिएको लक्ष तथा उद्देश्यहरू पुरा गर्न .बिभिन्न खालका पर्यटन लक्षित कामहरु गरिरहेको र यो ३ दिने आधारभुत तालिम पनि पर्यटनको विकासमा एउटा सहायक काम रहेको गाउँपालिका उपाध्यक्ष गौरव राईले बताउनुभयो । यसअघि गाउँपालिकाको आयोजनामा सम्पन्न एभरेष्ट भ्यु ट्रेल म्याराथन र लगत्तै आइतबार सम्पन्न कुकिङ सम्बन्धी तालिम गाउँपालिकाको पर्यटन विकासको आधार भएको गाउँपालिका अध्यक्ष राई बताउनुहुन्छ । तालिममा टानका ३ जना प्रतिनिधि कुकहरुले सहभागीहरूलाई प्रशिक्षण गराएका थिए । तालिममा स्थानीय उत्पादनबाट बनाइने सहित अन्य गरि करिव ४५ परिकार पकाउन सिकाइएकाे छ ।