थुलुङ दूधकोशीको पन्चनमा भिषण आगलागी, हाल सम्म ३ घर र १ गाइगाेठ जले

साेलुखुम्बु, बैशाख १९ । सोलुखुम्बुको थुलुङ दूधकोशी गाउँपालिका वडा नम्बर ३ पन्चनमा आगलागीबाट ४ वटा घर जलेर नष्ट भएका छन ।  बुधबार दिउसो २ बजे पञ्चन स्थित चिउरिखर्क खोप स्थीत व्यक्तिगत जङ्गलबाट सुरुभएको आगलागीले लुस्कुका ४ वटा घर जलेर नष्ट भएको जिल्ला प्रहरी कार्यालय सोलुखुम्बुले जनाएको छ । आगलागीबाट थुलुङ दूधकोशी गा.पा.–३ लुस्कुकी बुद्धिमाया चर्मकारको ढुङ्गा माटोले बनेको खरको छानो भएको २ तल्ले घर, पुर्ण बहादुर अधिकारीको खरले छाएको २ तल्ले घर र २ वटा गाईको बाच्छा घाइते भएको प्रहरीले जनाएको छ ।

यस्तै सोही स्थानका  काली बहादुर अधिकारीको बाख्राको खोर र गाई ग्वाली र सोही वडाको खाम्सेकु बस्ने हस्तिमाया राईको खरको छानो भएको २ तल्ले घर पुर्ण रुपमा जलेर नष्ट भएको प्रहरीले जनाएको छ । आगलागीले भीषण रुप लिएपछि बिनानस्थल सुरक्षा कांगेलबाट प्रहरी सहायक निरीक्षकको कमाण्डमा–४ जना, प्रचौ मुक्लीबाट २ जना र प्रहरी चौकी नेलेबाट प्रहरी सहायक निरीक्षकको कमाण्डमा–२ जना गरी ८ जना प्रहरी टोली र ३५ जना स्थानीय गरी अन्दाजी ५० जनाको सङ्ख्याले आगो नियन्त्रणमा लिने कार्य भइरहेको प्रहरीले जनाएको छ ।

 अन्य क्षति के कति हुने वा भयो भन्ने बारेमा विस्तृत विवरण आउन बाँकी रहेको प्रहरीले जनाएको छ । साेलुखुम्बुका   जिल्ला समन्वय समिती प्रमुख कृष्ण प्रसाद निराैला,  प्रमुख जिल्ला अधिकारी देवी पाण्डे खत्री र प्रहरी नायव उपिरक्षक द्वारीका प्रसाद घिमिरे सहितकाे टाेली पनि घटना स्थल पुग्नुभएकाे जनाइएकाे छ ।