पिके सोलुखुम्बु टाप्टिङ समाज सेवाको  साधारण सभा सम्पन्न, अध्यक्षमा पुर्ण ङ्वाङ फुरी शेर्पा  

भदौ १५, सोलुखुम्बु ।  पिके सोलुखुम्बु टाप्टिङ  समाज सेवाको अध्यक्षमा ङ्वाङ फुरी शेर्पा सर्वसम्मत निर्वाचित हुनुभएको छ ।  सङ्घीय राजधानी काठमाण्डौमा सम्पन्न १८ औँ साधारण सभाबाट संस्थाको अध्यक्षमा शेर्पा सर्वसम्मत दोश्रो कार्यकालका लागी अध्यक्ष चयन हुनुभएको हो ।  सोलुदुधकुण्ड नगरपालिका सोलुखुम्बुका मेयर  नाम्गेल जाङबु शेर्पाको प्रमुख  अतिथ्यतामा सम्पन्न वार्षिक साधारणसभा तथा  अधिवेशन बाट   शेर्पाको अध्यक्षमा गठित नयाँ कार्य समिति  १५ सदस्य बनेको छ ।

साधारणसभाबाट प्रथम उपाध्यक्ष पासाङ शेर्पा चयन हुनुभएको छ । यस्तै अर्को उपाध्यक्षमा जम्बा शेर्पा महासचिवमा ङिम्टी शेर्पा सचिव जाङमु शेर्पा र कोषाध्यक्ष ङिम गेल्जे शेर्पा चयन हुनुभएको जनाइएको छ ।  यस्तै संस्थाको सदस्यहरूमा, ङ्वाङ पेम्बा शेर्पा, कामे शेर्पा, पासाङ शेर्पा, फुर्वा शेर्पा सदस्य छेवाङ ङपमा शेर्पा, ल्हमु शेर्पा, कान्छी माया शेर्पा र गेल्मु शेर्पा  निर्वाचित हुनुभएको छ ।

२०६३ सालमा स्थापना भएको पिके सोलुखुम्बु टाप्टिङ समाज सेवा संस्था सोलुखुम्बुको सोलुदुधकुण्ड नगरपालिका वडा नम्बर १० टाप्टीङका स्थानीयले निर्माण गरेको संस्था हो  ।  साविक टाप्टीङका ९ वटा वडाका  पेसा, व्यवसाय वा अध्ययनका लागि  राजधानीमा बसोवास गर्ने शेर्पा, तामाङ र मगरहरूको साझा सस्था पिके सोलुखुम्बु टाप्टीङ समाज सेवाले सहयाेग समुदायलाई एकतृत गर्ने उद्देश्यले निर्माण गरिएको नवगठित समितिका अध्यक्ष शेर्पाको भनाई छ ।  सामाजिक कार्यका साथै टाप्टीङ मूलथलो भएका नागरिकको सहयोग गर्ने भावना लिएर यो संस्था गठन भएको उहाँको भनाई छ । 

अधिवेशन तथा सााधारणसभामा संस्थाको संस्थापक सदस्य, आजीवन सदस्य तथा  केन्द्रिय सल्लाहकार तथा पदाधिकारीहरूको उपस्थिति रहेको थियो  ।  सम्पन्न १८ औँ अधिवेशनबाट संस्थाको कार्यप्रगति प्रतिवेदन, कोष प्रतिवेदन साथै संस्थाको आगामी योजनाहरू सर्वसम्मतले पारित भएको छ । सोही अवसरमा पिके सोलुखुम्बु टाप्टिङ समाज सेवालाई सहयोग गर्ने व्यक्तिहरूलाई समेत सम्मान गरिएको थियो ।