शहीद कुसुम स्मृति प्रतिष्ठानको नवौ साधारण सभा सम्पन्न

भदौ २२, सोलुखुम्बु । शहीद कुसुम स्मृति प्रतिष्ठानको नवौं साधारण सभा सम्पन्न भएको छ । शनिबार शहीद कुसुम स्मृति प्रतिष्ठानको सभाहलमा ९ औं साधारण सभा सम्पन्न भएको हो । साधारण सभामा आर्थिक वर्ष २०८०-०८१ को वार्षिक प्रगति प्रतिवेदन तथा आर्थिक वर्ष २०८१-०८२ को नीति तथा कार्यक्रम पारित गरिएको छ ।

यस्तै आर्थिक वर्ष २०८१-०८२ का लागि ५३ लाख १० हजार बराबरको बजेट तथा कार्यक्रम पारित गरेको सहकर्मी धनकुमारमा ढुगेंलले जानकारी दिनुभयो । उहाँका अनुसार उक्त साधारण सभामा २ वर्षे समयवधिका लागि लोकेन्द्र बहादुर राउतको अध्यक्षतामा ९ सदस्यीय कार्यसमिति चयन गरेको छ ।

उपाध्यक्षमा केशर बहादुर राई, महासचिवमा सीताराम भट्टराई, सचिवमा जनरिखि राई, कोषाध्यक्षमा डिल्लिराम घिमिरे र सदस्यहरुमा वियस राई, इन्द्रबहादुर राउत, सबिना राई र राम बहादुर विश्वकर्मा चयन हुनुभएको छ ।