स्वर्गीय मातापिताको स्मृतिमा विद्यालयको अक्षयकोषलाई सहयोग

भदौ २८, सोलुखुम्बु । थुलुङ दुधकोशी गाउँपालिका वडा नम्बर ३  स्थित कालिका देवि माविको अक्षयकोषमा १ लाख ११ हजार १ सय ११ रुपैँया सहयोग प्राप्त भएको छ । आफ्नो दिवङ्गत पिता माताको स्मृतिमा छोराहरुद्धारा अक्षयकोषमा सो रकम प्रदान गरिएको हो ।

बुबा रत्नप्रसाद ढुगांना तथा आमा सावित्रा ढुगांनाको स्मृतिमा छारोहरु कृष्ण प्रसाद ढुगांना, खेमराज ढुगांना र छोरी होमकुमारी निरौला ढुगांनाले विद्यालयमा एक कार्यक्रमका बिच रकम हस्तान्तरण गरिएको हो ।

विद्यालय व्यवस्थापन समितिका अध्यक्ष मिन प्रसाद कोइरालाको अध्यक्षता तथा थुलुङ दुधकोशी गाउँपालिका वडा नम्बर ३ वडा अध्यक्ष इन्द्रमणी दाहालको प्रमुख आतिथ्यतामा पहिलो त्रैमासिक परीक्षाको नतिजा प्रकाशित कार्यक्रममा परिवारले विद्यालयका प्रअ विष्णु ढुगेंललाई हस्तान्तरण गरिएको जनाईएको छ ।

अक्षयकोषमा जम्मा भएको रकमको व्याजबाट उक्त विद्यालयका कक्षा १२ मा अध्ययनरत २ जना जेहेन्दार विद्यार्थीलाई छात्रवृत्ति प्रदान गरिने कालिका देवि माद्ययमिक विद्यालयका शिक्षक अभिभावक समितिका अध्यक्ष केशव प्रसाद कोइरालाले जानकारी दिनुभयो ।