थुलुङ दुधकोशीमा सुत्केरी आमा र नवजात शिशुको हेलीकप्टर मार्फत उद्धार 

भदौ २८, सोलुखुम्बु ।  सोलुखुम्बुको थुलुङ दुधकोशी गाउँपालिकाले नवजात शिशु र सुत्केरी आमाको हेलिकप्टर मार्फत उद्दार गरेको छ । गाउँपालिका स्थित थुलुङ दुधकोशी अस्पतालमा सिजेरियन सेक्सन अर्थात अप्रेसन बाट छोरा लाई जन्म दिएकी गाउँपालिकाको वडा नम्बर ६ मुक्लीकी अमृता राई सहित उनको नवजात शिशुलाई राष्ट्रपति महिला उत्थान कार्यक्रम अन्तर्गत नेपाली सेनाको हेलिकप्टर मार्फत उद्दार गरिएको हो ।  

अप्रेसन मार्फत जन्मिएको शिशुको स्वास्थ्य अवस्था जटिल बन्दै गएपछि थप उपचारका लागी हेलिकप्टर मार्फत काठमाण्डौ लगिएको गाउँपालिकाका प्रवक्ता भोजराज कार्कीले बताउनुभयो । यस अघि पनि गाउँपालिकाले २ जना नवजात शिशुको हेलिकप्टर मार्फत उद्धार गरिसकेको छ । अमृता थुलुङ दुधकाेशीका गाउँ प्रहरी समेत हुन् । अामा र शिशु दुबैकाे स्वास्थ्य लाभकाे लागी गाउँपालिका अध्यक्ष असिम राइले  कामना गर्नुभएकाे छ   ।