वडा कार्यालय दाेर्पुकाे अायाेजनामा मनाइयाे बाल दिवस

 भदाै २८, साेलुखुम्बु ।  सोलुखुम्बुका विभिन्न विद्यालयमा बाल दिवस मनाइएको छ । जिल्लाको सोलुदुधकुण्ड नगरपालिका वडा नम्बर ६ मा रहेको दोर्पु आधारभूत विद्यालयमा आज वाल दिवस मनाइएको हो  ।  भोली २९ गते बालदिवसकाे अवसरमा आजै विद्यालयमा विभिन्न रचनात्मक कार्यक्रमको आयोजना गरि बाल दिवस मनाइएको जनाइएको छ ।

वडा नम्बर ६ दोर्पुका आयोजनामा वडा भरिका ३ वटा आधारभुत विद्यालयका विद्यार्थीहरूको उपस्थितिमा बालदिवस विषेश कार्यक्रमको आयोजना गरि मनाइएको वडा अध्यक्ष तथा सोलुदुधकुण्ड नगरपालिकाका प्रवक्ता फुर्वा ग्याल्जेन शेर्पाले बताउनुभयो । बाल दिवस विशेष कार्यक्रममा हाजिरजवाफ प्रतियोगिता, चक्लेट दौड, म्युजिकल चियर, भित्र बाहिर,, भाले जुधाई लगायतका प्रतियोगिताको आयोजना भएका थिए । 

आयोजित कार्यक्रम मध्ये म्युजिकल चियर तर्फ विद्यार्थीहरू पवित्रा तामाङ, निता खड्का र सिता कुमारी तामाङले पुरस्कार जितेका छन् ।

यस्तै हाजिरजवाफ प्रतियोगितामा प्रथम जन सुधार आवि खोरिया समुह ‘ए’, दोर्पु आवि समुह ‘बी’ दोस्रो, जन सुधार आवि खोरिया समुह ‘बी’ तेस्रो र दोर्पु आवि समुह ‘ए’ सान्त्वना भएका छन् यता भाले जुधाइमा सरोज श्रेष्ठ प्रथम, अमिर विश्वकर्मा दोस्रो, रोजिन मगर तेस्रो र रोशन श्रेष्ठ सान्त्वना भएको आयोजकले जनाएको छ । 

यस्तै चकलेट दौडमा फुर्वा दोर्जी तामाङ, सरस्वती मगर, विनोद तामाङ क्रमशः प्रथम, दोस्रो, तेस्राे भएका छन् ।   भित्र बाहिर खेलमा लाक्पा डोमा तामाङ, सृष्टिका श्रेष्ठ, अरुणा तामाङ र जोन विश्वकर्माले पुरस्कार जितेका छन् । चम्चा दौडमा निराजन बस्नेत, सृष्टिका श्रेष्ठ, आरुना तामाङ र लाक्पा डोमा तामाङले क्रमश ः प्रथम, दोस्रो, तेस्रो र सान्त्वना स्थान हासिल गरेको आयोजकले जनाएकाे छ ।  

बाल दिवसको अवसरमा आयोजित कार्यक्रममा बोल्दै  प्रमुख अतिथि सोलुदुधकुण्ड नगरपालिकाका उपमेयर गान्धीमाया तामाले नगरभित्रका विद्यालयमा प्रमुख समस्याका रुपमा रहेको शिक्षक अभावको समस्यालाई चाँडै दरबन्दी मिलान गरि समाधान गरिने बताउनुभयो  । यस्तै कार्यक्रमका विशेष अतिथि तथा नगरप्रवक्ता फुर्वा ग्याल्जेन शेर्पाले राज्यले सामुदायिक विद्यालयमा गरेको खर्च खर्च नभएर लागनीको रुपमा आफुले लिएको बताउनुभएको छ यस्तै उहाँले वडाको शिक्षामा बृहत्तर विकास का लागी आगामी दिनमा पनि यस्तै रचनात्मक कार्यक्रम गर्ने बताउनुभएको छ ।  

सोलुदुधकुण्ड नगरपालिकाका उपप्रमुख गान्धिमाया तामाङको प्रमुख आतिथ्यता एवं वडा अध्यक्ष तथा प्रवक्ता शेर्पाको विशेष आतिथ्यतामा बालदिवस विशेष कार्यक्रमको आयोजना गरिएको हो ।  कार्यक्रममा ३ प्राविका विद्यार्थीहरू उक्त विद्यालयका विद्यालय व्यवस्थापन समिति अध्यक्ष तथा प्रधानाध्यापक तथा शिक्षकहरूको उपस्थिति रहेको थियो ।