वनमा आगलागी भएपछि दाउरा संकलन स्थगित

सोलुखुम्बु, बैशाख २१ । सोलुखुम्बुको नेचासल्यान स्थित झोझरे सामुदायिक बनले बर्षेनी वितरण गर्दै आएको दाउरा यो वर्ष आगलागीका कारण स्थगित गरेकाे छ । एक सुचना जारी गर्दै सामुदायिक बनको कार्यसमितिले बनमा आगलागी फैलिएकाले जोखिम हुने भन्दै हाललाई दाउरा संकलन बन्द भएको जनाएको हो । जंगलमा लागेको आगोको कारण नेचासल्यानको वडा नम्बर ३, ५ र चिशंखुगढी गाउँपलिका वडा नम्बर ५ का नागरिक दाउरा संकलनकाबाट हालका लागी बञ्चित भएका छन । हरेक वर्ष सामुदायिक वनहरूले हिउँदे र वर्षे गरि २ पटक दाउरा संकलनका लागी जंगल खुल्ला गर्ने गरेका छन । अहिले आगलागीबाट बननै सखाप हुँदै गएपछि भएका दाउरा सबै जलेर अव दाउरा नै नपाइने चिन्तामा यतिखेर ग्रामिण क्षेत्रका नागरिक छन । घरमा खाना पकाउन होस वा बस्तुभाउलाई खोले पकाउन ग्रामिण भेगका धेरै जसो घरमा दाउरा नै बल्ने गरेका छन । तर निरन्तरको आगलागीले जंगलमा सुकेका दाउरा सबै जलेका छन ।