हलेसी तुवाचुङ नगरपालिकाद्धारा एसइईमा उत्कृष्ट अङ्क ल्याउन सफल विद्यार्थी तथा विद्यालयलाई सम्मान

भदौ २९, सोलुखुम्बु । खोटाङको हलेसी तुवाचुङ नगरपालिकाले माध्यमिक शिक्षा परीक्षा (एसइई) मा उत्कृष्ट अङ्क ल्याउने विद्यार्थीलाई सम्मान गरेको छ । शैक्षिक सत्र २०८० को एसइई परीक्षामा नगरपालिका भरीका १२ वटा माध्यमिक विद्यालयका विद्यार्थीमध्ये सबै भन्दा धेरै अकं ल्याउने तिन जान विद्यार्थीलाई नगरपालिकाले सम्मान गरेको हो ।

नगरपालिकामा भएको सार्वजनिक सुनुवाइ एवम् एसइईमा उत्कृष्ट हुने विद्यार्थी र विद्यालयलाई पुरस्कार प्रदान कार्यक्रमका सम्मान गरिको नगरपालिकाले जनाएको छ । पुरस्कृत हुनेमा सबै भन्दा बढी अङ्क ३.४० जिपिए ल्याउने महेन्द्रदोय माविकी छात्र दया राईलाई नगरपालिकाले नगद २० हजारसहित सम्मानपत्रले सम्मान गरेको छ ।

यस्तै, धेरै विद्यार्थी सङ्ख्या उत्तीर्ण गराएर नगर प्रथम हुने बुलापन्थे मावि, दोस्रो हुने लक्ष्मी मावि र तेस्रो हुने महेन्द्रदोय माविलाई क्रमशः ५०, ४० र २५ हजार नगदसहित सम्मानपत्रले सम्मान गरिएको छ ।