चुलोबाट आगो सल्किदा लिखुपिकेका तामाङ घाईते, पशुचौपायमा क्षति

भदौ २९, सोलुखुम्बु । सोलुखुम्बुको लिखुपिके गाउँपालिका वडा नम्बर २ मादलुमा आगलागीमा परेर शमसेर बहादुर तामाङ घाईते भएका छन्, भने पशुचौपायामा क्षति भएको छ । शुक्रबार साझँ ८ : ३० बजेको समयमा चुलोबाट आगो सल्किदा तामाङ घाईते भएका छन्, भने पशुचौपायामा क्षति भएको जिल्ला प्रहरी कार्यालय सोलुखुम्बुले जनाएको छ ।

तामाङको घर भन्दा ५० मिटर दक्षिणमा रहेको आफ्नै बाँस र काठले बनेको चित्राको छानो भएको गोठ जल्दा २ वटा बाख्रा जली मरेको र गोठमा बाँधिराखिएको १ वटा भैसीको ढाँडमा समेत आगो लागेको जिल्ला प्रहरी कार्यालयका प्रहरी प्रमुख एवंम प्रहरी नायव उपरीक्षक द्धारीका प्रसाद घिमिरेले जानकारी दिनुभयो ।

उहाँका अनुसार आगलागिबाट गोठ, लत्ताकपडा र नगद समेत जली नष्ट भएको थियो । आगो राति ९ : १५ बजेको समयमा आफै नियन्त्रणमा आएको प्रहरीले जनाइएको छ ।