बाल दिवसका अवसरमा सोलुदुधकुण्डले आयोजना ग¥यो मेयर/उपमेयर सँग विद्यार्थी कार्यक्रम 

भदौ २९, सोलुखुम्बु ।  सोलुखुम्बुको सोलुदुधुकुण्ड नगरपालिकाले वाल दिवस विभिन्न कार्यक्रम गरि मनाएको छ  । नगरपालिका तथा ग्रामीण शिक्षा तथा वातावरण विकास केन्द्र रीड नेपालको आयोजनामा जिल्ला सदरमुकाम सल्लेरीमा बिभिन्न रचनात्मक कार्यक्रम गरि यो दिवस मनाइएको हो ।  सरकारले बालबालिकामा लगानी, सुनिश्चित भविष्यको थालनी भन्ने मूल नाराका साथ आज देदै भर बाल दिवस मनाइरहँदा जिल्लामा पनि वक्तृत्वकला तथा निबन्ध लेखन एवं मेयर उपमेयर सँग बालबालिका कार्यक्रमको आयोजना गरि दिवस मनाइएको हो ।
जिल्ला समन्वय समितिको प्राङ्गणमा आयोजित कार्यक्रममा नगरपालिका भित्रका विभिन्न विद्यालयका बालबालिका शिक्षक एवं अभिभावकको उपस्थिति रहेको थियाे ।  उपस्थित विद्यार्थीहरूले सोलुदुधकुण्ड नगरपालिकाका मेयर नाम्गेल जाङ्बु शेर्पालाई नगरपालिका क्षेत्रभित्र शिक्षामा भइरहेको काम लगायत शिक्षा क्षेत्रमा गर्नुपर्ने सुधार र उनीहरूको आवश्यकताका विषयमा प्रश्न सोधेका छन् ।

विद्यार्थीहरूले राखेका जिज्ञासामा मेयर शेर्पाले उत्तर दिनुभएको थियो । उनीहरूले विद्यालयमा शिक्षक अभाव भएको खेलमैदानको समस्या भएको, विद्यालयमा भौतिक संरचना नभएको समस्या राखेका थिए ।  विद्यार्थीहरूले राखेका समस्याका विषयमा मेयर शेर्पाले विद्यालयको भौतिक पूर्वाधारलाई सुविधा सम्पन्न बनाउन नगरपालिकाले बजेटको व्यवस्था गरेको, शैक्षिक सामाग्रीको अभाव  हुन नदिन, शिक्षकहरूको अभाव हुन नदिनका लागी विभिन्न सम्बन्धीत मन्त्रालयहरूसँग छलफल गरेर यथा सम्भव प्रयास गरिरहेको जानकारी गराउनुभएको थियो । उहाँले नगरपालिकाले पालिकाको वार्षिक बजेटको ३० प्रतिशत बजेट शिक्षा क्षेत्रमा छुट्टाएको जनाउनुभएको छ ।
उत्तर मेयरको
यस्तै रीड नेपाल र नगरपालिकाको आयोजनामा वक्तृत्वकला तथा निबन्ध लेखन प्रतियोगिताको समेत आयोजना गरेको छ । जसमध्ये निबन्ध लेखन तर्फ १८ विद्यार्थीले सहभागीता जनाएका थिए भने वक्तृत्वकला तर्फ १६ जना विद्यार्थीले सहभागीता जनाएका थिए ।

दुबै प्रतियोगिता प्रथम द्वितीय तृतीय हुनेहरूले पुरस्कार राशि क्रमश ः ८ हजार, ६ हजार, ४ हजार र ३ हजारको साथमा प्रमाणपत्र प्राप्त गरेको रीड नेपालका शिक्षा विकास संयोजक केशव गिरिले बताउनुभयो । दिवसको अवसरमा बिहान प्रभात फेरी गरि कार्यक्रमकाे सुरुवात गरिएको थियो ।