महाकुलुङका मौरी पालक कृषकलाई पुनर्ताजगी तालिम

सोलुखुम्बु , बैशाख १९ । महाकुलुङ गाउँपालिका भित्रका १९ जना मौरी पालक कृषकलाई पुनर्ताजगी तालिम प्रदान गरिएको छ । जी फाउन्डेसनको आर्थिक तथा प्राविधिक सहयोग र पहाडी विकास तथा संरक्षण समूह नेपाल बुङको आयोजनामा मौरी पालक कृषकलाई ३ दिने पुनर्ताजगी तालिम प्रदान गरिएको हो । जी फाउन्डेसनका जीविकोपार्जन कार्यक्रमका म्यानेजर सतानन्द उपाध्याय र पहाडी विकास तथा संरक्षण समूह नेपालकी कृषि अधिकृत खुशुबु राईले सहजीकरण गरेको तालिम शुक्रवार सकिएको हो । व्यावसायिक मौरी पालनमा केन्द्रित तालिममा सैद्धान्तिक र प्रयोगात्मक ज्ञान र सीपको अभ्यास गरिएको थियो । तालिमको उद्घाटनमा महाकुलुङ गाउँपालिका अध्यक्ष सूर्य कुलुङको प्रमुख अतिथि र पहाडी विकास तथा संरक्षण समूह नेपालका अध्यक्ष भलाकाजी कुलुङको सभाध्यक्षतामा रहेको थियो ।