सोताङ अध्यक्ष बस्नेतले भेटे डिजि अर्याललाई, सोताङ बाटै राहदानी वितरण गर्न माग

बैशाख २२, सोलुखुम्बु । सोलुखुम्बुको सोताङ गाउँपालिकाका अध्यक्ष खिलराज बस्नेतले राहदानी बिभागका डिजि तिर्थराज अर्यालसँग भेट गर्नुभएको छ । उहाँले इलाका प्रशासन कार्यालय सोताङबाट राहदानी वितरण सेवा सुचारु गर्नका लागी अर्यालसँग भेट गरि आवश्यक छलफल गगर्नुभएको उहाँको सचिवालयले जनाएको छ ।

डिजि अर्यालले प्रतिकृया दिँदै सकेसम्म यसै आर्थिक वर्षमा नसके आगामी आर्थिक वर्षबाट स्टेशन निर्माण गरेर सेवा सुरु गर्न पहल गर्ने विश्वास व्यक्त गगर्नुभएको पनि जनाइएको छ । भेटका लागी पुर्व मन्त्री तथा माननीय सांसद हृदय राम थानी समेत रहनुभएको जनाइएको छ । यस्तै अध्यक्ष बस्नेतले सोताङ गाउँपालिकामा देखिएको सञ्चार सम्बन्धी समस्या समाधानका लागी नेपाल टेलिकम बबरमहलमा पनि भेट गगर्नुभएको छ ।

उहाँले नेपाल टेलिकम बबरमहलका टावर तर्फका प्रमुख सँग भेट गरी सोताङको हुलुडाँडा मा टावरको सर्भेक्षण भएको र थप अध्ययन पश्चात थुलुङ दूधकोशी वार्ड ९ को लोखिम ओतामा टावर राख्दा सोताङ तर्फ मौलौला देखी वार्ड १ लगाएतका ठाउँमा प्रभावकारी रुपमा नेटवर्क हुने भएकोले थुलुङ दूधकोशी वार्ड ९ को लोखिम ओतामा टावर निर्माण तथा सन्चालन गर्न माग गगर्नुभएको जनाइएको छ ।