खोटाङको ऐसेलुखर्क गाउँपालिकामा २६ गतेबाट सुरु हुन लागेको ऐसेलुखर्क गाउँपालिका प्रथम अध्यक्ष कपको तयारी अन्तीम चरणमा पुगेको छ । आज गाउँपालिकाको कार्यालयमा पत्रकार सम्मेलन मार्फत यसको तयारी अन्तीम चरणमा पुगेको जनाइएको हो । गाउँपालिकाको मुख्य प्रायोजन तथा खेलकुद विकास समितिको आयोजनामा २६ गते देखी बैशाख २९ गते सम्म प्रतियोगिताको आयोजना हुन लागेको हो ।
राष्ट्रिय खेल भलिबलको विकास तथा विस्तार एवं नयाँ खेलाडी उत्पादन गर्ने उद्यमका साथ आयोजना हुन गइरहेको प्रतियोगितामा विभिन्न जिल्लाका १द्ध टिमको सहभागिता रहने जनाइएको छ । पत्रकार सम्मेलनमा प्रतियोगिता सम्बन्धी जानकारी दिँदै गाउँपालिका अध्यक्ष गिरेन्द्र बहादुर राईले गाउँपालिकामा भलिवलखेलको प्रोत्साहन तथा विकासका लागी महिला तथा पुरुष दुबै तर्फको भलिबल प्रतियोगिता आयोजना गरिएको जानकारी दिनुभयो ।
उहाँले प्रतियोगितामा महिला तथा पुरुष तर्फ दुबैलाई समान पुरस्कारको व्यवस्था गरिएको यो भलिबल प्रतियोगिताले गाउँपालिकाको खेलकुदको विकासमा अहम भुमिका निर्वाह गर्ने जिकिर गर्नुभएको छ । ३ दिन सम्म सञ्चालन हुने प्रतियोगिताको महिला र पुरुष तर्फको पुरस्कार राशी समेत समान राखिएको छ । प्रतियोगिताको प्रथम, द्धितीय, तृतीय र सान्त्वना पुरस्कार समान क्रमशः २ लाख १ लाख, ५० हजार र २५ हजार रुपैयाँ नगदको साथमा ट्रफी मेडल र प्रमाण पत्र रहेको छ ।
प्रतियोगितामा विधागत पुरस्कारको समेत व्यवस्था गरिएको छ । विधागत पुरस्कार तर्फ वेष्ट प्लेयर ले ५ हजार नगद र वेष्ट स्पाइकरले, वेष्ट सटर, वेष्ट ब्लकर, वेष्ट डिफेन्डर, वेष्ट सर्भर, अनुशासित खेलाडी र वेष्ट कोचले समान ३ हजार नगदको साथमा ट्रफी मेडल र प्रमाण पत्र प्राप्त गर्नेछन । प्रतियोगिताका लागी पुरुष तर्फ ९ टिम र महिला तर्फ ४ टिमले टिम दर्ता गराइसकेको ऐसेलुखर्क खेलकुद विकास समितिका अध्यक्ष रजिन राईले जानकारी दिनुभयो ।
कुल १६ लाख २८ हजार मा सम्पन्न हुने अनुमान गरिएको प्रतियोगिताका लागी मुख्य प्रायोजक ऐसेलुखर्क गाउँपालिकाले १३ लाख ५० हजार रुपैयाँ बजेट विनियोजन गरेको छ भने बाँकी २ लाख ७८ हजार रुपैयाँ चन्दा मार्फत संकलन गरिएको आयोजक खेलकुद विकास समिति ऐसेलुखर्क ले जनाएको छ । सिद्धार्थ खेलमैदान गोदाम चौरुमा हुने प्रतियोगिताको उद्घाटन गाउँपालिका अध्यक्ष राईले गर्नुहुने जनाइएकाmे छ । भने समापन प्रदेश सभा सदस्य पाँच कर्ण राईले गर्ने जनाइएको छ ।
Discussion about this post