असोज २१, सोलुखुम्बु । काठमाण्डौबाट भोजपुरका हिँडेको यात्रुबाहक बस दुर्घटना हुँदा २ जनाको मृत्यु भएको छ । सोमबार काठमाण्डौबाट यात्रु लिएर भोजपुर हिँडेको बस सिन्धुलीमा दुर्घटना हुँदा २ जनाको मृत्यु भएको हो ।
सोमबार दिउँसो ३ बजे मदन भण्डारी राजमार्ग अन्तर्गतको सिन्धुलीको हरिहरपुरगढी गाउँपालिका वडा नम्बर ५ महेन्द्र झ्याडीस्थित भलखाडामा दुर्घटना हुदाँ २ जनाको घटनास्थलमै मृत्यु भएको जिल्ला प्रहरी कार्यालय सिन्धुलीले जनाएको छ । ३२ जना सवार बागमती प्रदेश ०१००६ ख ६७८५ नम्बरको बस दुर्घटना हुँदा अन्य ३० जना घाइते भएको जिल्ला प्रहरी कार्यालय सिन्धुलिका प्रहरी उपरीक्षक गोविन्दराज काफ्ले जानकारी दिनुभयो ।
दशैँका लागी घर जाने यात्रु बोकेर हिँडेको बस राजमार्ग अवरुद्ध भएका कारण बैकल्पीक मार्ग हुँदै भोजपुर हिँडेको थियो । थप विवरण आउन बाँकी रहेको प्रहरीले जनाएको छ ।
Discussion about this post