ऐसेलुखर्क न्यायिक समितिमा परेका मध्ये ५८ प्रतिशत उजुरीमा मिलापत्र 

बैशाख २६, सोलुखुम्बु । खोटाङको ऐसेलुखर्क गाउँपालिकाको न्यायिक समितिले पछिल्लो ७ आर्थिक वर्षमा ५८ वटा प्रतिशत उजुरीमा मिलापत्र गरेको छ ।  गाउँपालिका उपाध्यक्ष संयोजक रहने न्यायिक समितिले आर्थिक वर्ष २०७४/०७५ देखी हाल सम्म कुल १३५ उजुरी मध्ये ५८ प्रतिशत अर्थात ७८ उजुरीमा मिलापत्र गरेको हो  ।  कुल १ सय ३५ उजुरी परेकोमा हाल सम्म ७८ उजुरीमा मिलापत्र गरिएको न्यायिक समिति संयोजक तथा गाउँपालिकाका उपाध्यक्ष राजेश कुमार भण्डारीले जानकारी दिनुभयो ।

गाउँपालिका स्तरीय न्यायिक समितिमा आर्थिक वर्ष २०७४/७५मा १० उजुरी परेकोमा १० वटै फर्स्यौट गरिएको छ ।  यस्तै आर्थिक वर्ष ०७५/७६मा ४१ उजुरी परेकोमा १५ वटाका मिलापत्र गरिएको छ । यता ७६/७७मा ४९ उजुरी पर्दा २० मिलापत्र, ०७७/७८मा १३ उजुरी पर्दा ८ मिलापत्र, ०७८/७९ मा ११ उजुरी पर्दा १० मिलापत्र, आर्थिक वर्ष ०७९/८० मा १३ उजुरी पर्दा ११ मिलापत्र गरिएको हो ।

यस्तै चालु आर्थिक वर्षको हाल सम्म गाउँपालिकाको न्यायिक समितिमा ८ उजुरी परेकोमा ४ वटा उजुरीमा मिलापत्र गरिएको गाउँपालिका न्यायिक समितिका उजुरी प्रशासक रामकाजी नेपालले बताउनुभयो । स्थानीय तहमा रहेका न्यायिक समितिहरूमा अधिकांश उजुरी बहुविवाह, जग्गा जमिन तथा घरायसी झैझगडा सम्बन्धी पर्ने गरेको पाइएको छ । यसैक्रममा ऐसेलुखर्क गाउँपालिकामा पनि यस्तै खालका उजुरीहरू पर्दै आएको न्यायिक समिति संयोजक तथा गाउँपालिका उपाध्यक्ष राजभण्डारीले बताउनुभयो । र