प्रथम ऐसेलुखर्क गाउँपालिका अध्यक्ष कपको उद्घाटन, वर्षात भएपछि प्रतियोगिता स्थगित 

सोलुखुम्बु, बैशाख २६ । खोटाङको ऐसेलुखर्क गाउँपालिकामा आज बाट सुरु हुने तय भएको प्रथम अध्यक्ष भलिबल प्रतियोगिता स्थगित भएको छ ।  खेल सुरु हुने समयमा वर्षात भएपछि बुधबारबाट सुरु हुने भनिएको प्रतियोगिता रोकिएको हो । प्रतियोगिताको उद्घाटन गरि सुरु गर्ने तयारी गरिरहेको बेला वर्षात भएपछि खेल स्थगित गर्नुपरेको ऐसेलुखर्क गाउँपालिका खेलकुद विकास समितिका अध्यक्ष रजिन राईले जानकारी दिनुभएको छ । खेलको उद्घाटन गाउँपालिका अध्यक्ष गिरेन्द्र बहादुर राईले गरिसक्नु भएको छ भने विहिवारबाट मौसमले साथ दिए खेल सुरु हुने जनाइएको छ ।  प्रतियोगितामा १७ टिमको सहभागिता रहेको छ ।  पुरुष तर्फ १३ टिम र महिला तर्फ ५ टिमले प्रतिष्पर्धा गर्दैछन् ।  २६ गतेबाट २९ गते सम्मका लागी तय भएको प्रतियोगितामा एक दिन ढिला गरि खेल सुरु हुने भएपनि निर्धारित मितिमै खेल सक्ने गरि खेलाइने अध्यक्ष राईको भनाई छ ।