असोज २५, सोलुखुम्बु । यही असोज १२ गते आएको बाढीले क्षतिग्रस्त बनाएको खोटाङको फोक्सिङटारको झोलुङ्गे पुलको मर्मत कार्य तीव्र रुपमा भइरहेको छ ।
पूर्वी तराईका विभिन्न जिल्ला जोड्ने दिक्तेल–गाईघाट सडक खण्डको सुनकोशी फोक्सिङ्टारको मोटरेबल पक्की पुल बाढीले बगाएपछि विकल्पका रुपमा आवतजावत गर्ने वातावरण मिलाउन क्षतिग्रस्त झोलुङ्गे पुलको मर्मत भइरहेको हो ।
खोटाङ र उदयपुर जोड्ने सुनकोशी बङ्शिलाघाट, धाप्लाङघाट र भण्डारे घाटमा जडान गरेर सञ्चालन गरिएको झोलुङ्गे पुलमा बाढीले क्षति गरेको थियो ।
दशैँको टीकाअघि सुनकोशीका तीनवटै घाटको झोलुङ्गे पुल पुनःसञ्चालनमा ल्याउनेगरी मर्मत कार्यलाई तीव्रता दिइएको सम्बन्धित जनप्रतिनिधिहरुले बताएका छन् ।
Discussion about this post