असोज २५, सोलुखुम्बु । सोलुखुम्बुको नेचासल्यान गाउँपालिका १ आहालेमा शिवको मूर्ति बनाउन लागेको भन्दै केहि स्थानीयले आपत्ति जनाएका छन् ।
शेर्पा र राई समुदायको बाक्लो बसोबास रहेको ठाउँमा शिव मूर्ति बनाउने काम रोक्न उनीहरुले आपत्ति जनाएका हुन् । विभिन्न निकायसँगको साझेदारीमा पर्यटन प्रबद्र्धनका लागि आहाले–गौरीटाप पर्यटकीय पदमार्ग निर्माण प्रकृया अघि बढाएको थियो ।
आहालेमा शिव मन्दीर निर्माणका लागि गाउँपालिकाले ३० लाख रुपैयाँ विनियोजन गरी बोलपत्र आह्वान प्रकृया अघि बढाएको थियो । स्थानीयलाई जानकारी नदिई प्रकृया बढाएको भन्दै विभिन्न १२ वटा संघसंस्थाले गाउँपालिकामा ज्ञापन पत्र समेत बुझाएको योली शेर्पा किदुगका अध्यक्ष लाक्पा शेर्पाले जानकारी दिनुभयो ।
पर्यटन प्रबद्र्धनका नाममा शेर्पा र राई समुदायको पहिचान, संस्कृतिमाथि हस्ताक्षेप भएको भन्दै स्थानीयले गाउँपालिकामा ध्यानाकर्षण गराएसँगै वडा कार्यालय र स्थानीयवीच छलफलपछि मात्रै कार्य अघि बढाउन सहमत भएको अध्यक्ष शेर्पाको भनाई छ ।
Discussion about this post