खोटेहाङका लघु उद्यमीलाई मेड्पाले दियो बोयर बोका

बैशाख २७, सोलुखुम्बु । खोटाङको खोटेहाङ गाउँपालिका वडा नम्बर १ लिकुवापोखरी बाख्रापालक किसानलाई बोयर बोका वितरण गरिएको छ । बुधबार गरिबी निवारणका लागी लघु उद्यम विकास कार्यक्रमको उपयुक्त प्रविधिमा पहुँच अन्तर्गत वडाका ३ वटा बाख्रापालक समुहलाई ५ वटा बोयर जातको बोका वितरण गरिएको हो । मेड्पाको ८० प्रतिशत अनुदान तथा बाख्रापालक समुहको २० प्रतिशत लागत साझेदारीमा उन्नत जातको बोयर बोका वितरण गरिएको गाउँपालिकाकी उद्यम विकास सहजकर्ता फ्रेङ्गकी राईले जानकारी दिनुभयो ।

वडामा  व्यवसायिक बाख्रापालनको प्रवर्द्धनका लागी यसप्रति रुचि भएका बाख्रापालक किसानहरूका ३ समुहलाई बोका वितरण गरिएको सहजकर्ता राईले बताउनुभयो । ५ जनाको समुहमा रहेका ३ वटा बाख्रापालक समुहलाई बोका वितरण गरिएको हो । प्रगतिशील बाख्रापालक लघु उद्यमी समुह लाई २ वटा, पारदर्शी बाख्रापालक लघु उद्यमी समुहलाई २ वटा र चेतनशील बाख्रापालक लघु उद्यमी समुहलाई १  वटा बोयर जातको बोका वितरण गरिएको छ ।  उनीहरुलाई विभिन्न चरणमा लघु उद्यम सम्बन्धी तालिम तथा प्रविधि हस्तान्तरण गर्दै व्यवसायिक बनाउन बोयर बोका वितरण गरिएको गाउँपालिकाले जनाएको छ ।

बाख्रापालक किसानहरूलाई व्यवसायिक बाख्रापालन तथा बजारीकरण सम्बन्धी तालिम लिएर बोका वितरण गरिएको जनाइएको छ ।  वाेयर बोका वितरण कार्यक्रममा वडा अध्यक्ष धन बहादुर महाराजी, कार्यपालिका सदस्य, वडाका कर्मचारी लगायतको उपस्थिति रहेको जनाइएको छ ।