सोलुखुम्बुमा सम्पन्न जिल्ला स्तरीय व्याडमिन्टन प्रतियोगिताको प्रथम उपाधी सुजन र सुदनलाई

कार्तिक ६, सोलुखुम्बु । सोलुखुम्बुको नेचासल्यान गाउँपालिकामा सम्पन्न जिल्ला स्तरीय ब्याडमिन्टन प्रतियोगितामा जिल्ला स्तरीय पुरुष डबल तर्फको उपाधि सुजन राई र सुदन राईको टिमले हात पारेको छ । नेचासल्यान गाउँपालिकाको आर्थिक सहयोग तथा नेचासल्यान ब्याडमिन्टन सङ्घको आयोजनामा सम्पन्न प्रतियोगितामा पुरुष डबल तर्फको उपाधि उनीहरूले हात पारेका हुन् । गत ४ गतेबाट सुरु भएको प्रतियोगिताको फाइनल मङ्गलबार भएको हो । ४ वटा विधामा सम्पन्न प्रतियोगितामा खुल्ला पुरुष डबल तर्फको उपाधि सुजन राई र सुदन राईको टिमले हात पारेका छन् भने द्वितीय र तृतीय स्थान क्रमशः सुवास थापा र सन्दिप राई, नरेश तामाङ बसन्त राई, रोहन राई र रमेश राईले हात पारेका छन् ।

यस्तै महिला डबल तर्फको प्रथम उपाधि मनिका राई र नेल्सन किरातीको टिमले हात पारेका छन् भने द्वितीया, तृतीय स्थान क्रमशः पुजा मगर र माया राई, सन माया राई र राम कुमारी राई र दिक्षा राई सन कुमारी राईको टिमले हात पारेका छन् ।

यस्तै पालिका स्तरीय ए लेबल पुरुष डबल तर्फको प्रथम स्थान सुजन राई र सुमन कटवालले हात पारेका छन भने द्वितीय र तृतीय स्थान क्रमशः सुमन र रोहन राई, सुरेश र गोपाल राई, रमेश राई सुन्दर श्रेष्ठले हात पारेको आयोजकले जनाएको छ । यसैगरी पालिका स्तरीय वि लेभल पुरुष तर्फको उपाधि केदारनाथ बाँस्तोला र गोपाल राईले हात पारेका छन् । यस विधाको द्वितीय र तृतीय स्थान पाण्डव र झलक राई, तेज कुमार र डिल्ली बाँस्तोला, प्रकाश बिक र यनश लाईको टिमले हात पारेका छन् ।