कार्तिक ६, सोलुखुम्बु । सोलुखुम्बुमा जुनोटिक रोग सम्बन्धि अन्तरकृया गोष्ठी तथा छलफल कार्यक्रम सम्पन्न भएको छ । भेटेरिनरि अस्पताल तथा पशु सेवा विज्ञ केन्द्र सोलुखुम्बुको आयोजनामा एक दिने जुनोटिक रोग सम्बन्धि अन्तरकृया गोष्ठी तथा छलफल कार्यक्रम सम्पन्न भएको हो ।
पशु सेवा केन्द्र सोलुखुम्बुका प्रमुख भिमलाल तामाङको प्रमुख आतिथ्यता तथा बरिष्ठ पशु चिकित्सक शुशिल अधिकारीको अध्यक्षतामा कार्यक्रम सम्पन्न भएको पशु स्वास्थ्य प्राविधिक गणेश थापाले जानकारी दिनुभयो ।
जुनोटिक रोग पशुपंक्षीबाट मानिसमा र मानिसबाट पशुमा सजिलैसँग सर्ने भएकाले यसको रोकथाम तथा न्यनिकरण गर्ने उदेश्यले कार्यक्रम आयोजना गरिएको जनाईएको छ । पशुपंक्षीसँगको काँचो दूध, दही, मासु, काँचो तरकारी र हावाको माध्यमबाट जुनोटिक रोग चाडैँ सर्ने भएकाले विभिन्न व्यवसायीहरुलाई सचेत गराउन गोष्ठी आयोजना गरिएको पशु सेवा केन्द्र सोलुखुम्बुका प्रमुख तामाङले बताउनुभयो ।
Discussion about this post