गत असोजको पानीले सोलुखुम्बुका ४ वटा विद्यालयमा पहिरो 

कार्तिक ७, सोलुखुम्बु ।  गत असोज १० देखी १२ गते सम्म परेको अविरल वर्षातले हिमाली जिल्ला सोलुखुम्बुका ४ वटा विद्यालयमा क्षती पु¥याएको छ । अविरल वर्षात पछि झरेको पहिरोले जिल्लाको थुलुङ दुधकोशी गाउँपालिका भित्रका ४ वटा विद्यालयमा पहिरोले क्षति पु¥याएको हो ।

शिक्षा विकास तथा समन्वय इकाई सोलुखुम्बुका अनुसार गाउँपालिकाको कालिका माध्यमिक विद्यालय पन्चनमा पहिरोले क्षति पु¥याएको हो ।  उक्त विद्यालयको मुनिबाट पहिरो जाँदा खेलमैदानमा क्षति भएको जनाइएको छ ।  यस्तै पहिरोले जिवन ज्योति मावि नेलेको समेत खेलमैदान भत्काइदिएको छ ।

 उता दुधकोशीका मावि रणेमको विद्यालय भवन माथिबाट पहिरो जाँदा सामान्य क्षति र जोखिम रहेको कार्यालयका प्रा.स प्रकाण्ड न्यौपानेले बताउनुभयो ।  यस्तै गाउँपालिकाको वडा नम्बर ९ स्थित जनता मावि जोखिमको छात्रावास माथिबाट झरेको पहिरोले छात्रवास जोखीममा परेको कार्यालयले जनाएको छ ।  पहिरोले त्रसीत बनाएपनि जिल्लामा उक्त वर्षातले विद्यालयहरूमा पठनपाठन गराउने नमिल्ने गरी क्षति भने गराएको छैन ।